Qaraǵandy oblysynda kún 3 gradýsqa deıin sýytady
TANA. 17 qyrkúıek. QazAqparat - Qazaqstannyń batys, shyǵys jáne ońtústik-shyǵys bóliginiń aýa raıyna aýa aǵyndarynyń bólinisi áser etip, keı jerlerde jańbyr jaýady, jel kúsheıedi.
Al respýblıkanyń basqa aýmaǵynyń aýa raıy jaýyn-shashynsyz, dep habarlady QR TJM baspasóz qyzmeti Qazgıdromet málimetterine silteme jasap.
Jambyl, Atyraý, túnde Almaty, kúndiz Aqtóbe, Shyǵys Qazaqstan oblystarynyń keı jerlerinde jel ekpini sekýndyna 15-20 metrge jetedi.
Túnde jáne tańerteń Aqmola, Soltústik Qazaqstan, Qostanaı oblystarynyń jekelegen aýdandarynda tuman túsedi. Túnde Qaraǵandy oblysynyń keı jerlerinde 0-3 gradýsqa deıin úsik júredi.
Ońtústikte, ońtústik-shyǵysta, shyǵysta, batysta jáne Qazaqstannyń ortalyǵynda joǵary órt qaýpi saqatalady.
Taıaýdaǵy úsh táýlikte respýblıkanyń ońtústik, ońtústik-shyǵys, shyǵys taý ózenderiniń basym bóliginde sý deńgeıiniń azdap aýytqýy baıqalady.
