Qaraǵandy oblysynda QR TJM kınologııalyq qyzmet esepteriniń sertıfıkattyq synaqtary ótedi
QARAǴANDY. 8 qazan. QazAqparat - Qarqaralyda QR TJM kınologııalyq qyzmet esepteriniń sertıfıkattyq synaqtary ótedi, dep habarlaıdy oblystyq TJD-niń baspasóz qyzmetinen.
Bul shara 19 qazanda atap ótiletin TJ kúnine oraılastyrylǵan. Sertıfıkattyq synaqtar 9 qazanda bastalady.
Basty maqsat - kınologııalyq esepterdiń daıyndyq deńgeıin tekserý, klastyq biliktilikti berý nemese rastaý, sondaı-aq izdeý ıtterin TJ kezinde zardap shekkenderdi anyqtaý úshin daıyndaý jáne qoldaný tájirıbesimen almasý.
«Sertıfıkattaýǵa QR TJM-niń kınologııalyq qyzmetindegi tyńdaý jáne eptilik kýrsy jáne arnaıy jattyqtyrý kýrstarynyń biri boıynsha daıyndyqtan ótken barlyq esepter jatqyzylady. Sertıfıkattaý 18 aıǵa tolǵan barlyq jattyqtyrylǵan izdeý ıtteri úshin mindetti», - delingen habarlamada.
Sertıfıkattaýdy quramy QR TJM buıryǵymen bekitilgen komıssııa ótkizýde. Ol úsh klass: «A», «V» jáne «S» boıynsha ótkiziledi.Tehnogendik úıindiler jáne tabıǵı orta jaǵdaılarynda izdeý-qutqarý jumystary synaqtaryn ótkizý qarastyrylǵan. «V» klasy berilýi úshin kóliktegi apattar kezindegi izdeý-qutqarý jumystary synaqtarynan ótý kerek.
