Qaraǵandy oblysynda kóshpeli mádenıet festıvali bastaldy

QARAǴANDY. QazAqparat - Búgin Qaraǵandy oblysynyń Aqtoǵaı aýdanynda «Saryarqanyń kóshpeli mádenıeti» festıvali bastaldy. Ol alǵash ret ótkizilip, jazdyń sońyna deıin jalǵasady. Festıval búkil óńirdi aralaıdy. Sharanyń maqsaty – shyǵarmashylyq, mýzyka, qolóner, oıyn jáne sport arqyly óz halqy men ólkesiniń mádenıetin kórsetý, dep habarlaıdy QaşAqparat tilshisi.

Oblystyń árbir aýdany men qalasynda qazaqtyń ulttyq qolóner kórmesi (ábzel, tekemetter, aǵashtan, súıekten, metaldan jasalǵan buıymdar, zergerlik áshekeıler) usynylady.

Sondaı-aq, ulttyq kıim daıyndaý jáne defıle kórsetilimderi ótedi. Etnoaýyldar bezendiriledi.

Festıvalde aqyndar, kúıshiler, termeshiler, jyrshylar, folklorlyq ansamblder, aıtyskerler, dombyramen án salatyn ánshiler óner kórsetedi.

Sonymen birge toǵyzqumalaq, asyq atý, qazaqsha kúres jáne basqa da tanymal ulttyq oıyndar kórsetiledi.

«Festıval oblystyń barlyq 18 óńirinde – toǵyz aýdan men toǵyz qalada ótedi. Búgin birinshi kún. Festıval tamyz aıynyń sońynda aıaqtalady. Qazylar alqasy men Saryarqa telearnasynyń túsirilim toby Aqtoǵaıǵa keldi, sodan keıin olar Shet aýdanyna barady. Saryarqa telearnasy Festıvaldiń kúndeligin efırge shyǵaryp otyrady. Ár óńirde is-sharaǵa qatysýshylar óz baǵdarlamalaryn usynyp, óner kórsetedi. Jeltoqsan aıynda Qaraǵandyda gala-kontsert ótedi, onda festıvaldiń úzdik sheberleri men oryndaýshylary óz ónerlerin kórsetedi», – dedi OMSHSh ǴÁO mádenı-bos ýaqyt jumysy bóliminiń basshysy Altynaı Nurmanbaeva.

Festıval uıymdastyrýshylary – oblystyq mádenı-saýyq jáne halyq shyǵarmashylyǵynyń ǵylymı-ádisteme ortalyǵy jáne mádenıet, arhıvter jáne qujattama basqarmasy.