Qaraǵandy oblysynda koronavırýstyń jańadan tirkelgen 7 jaǵdaıy týraly aıtyldy
QARAǴANDY. QazAqparat – Qaraǵandy oblysynda 7 sáýirde COVID-19 taǵy jeti adamnan anyqtaldy. Bul osyǵan deıin ınfektsııa juqtyrǵan jáne aýrýhanaǵa jatqyzylǵandarmen jaqyn baılanysta bolǵan adamdar, dep habarlaıdy QazAqparat coronavirus2020.kz saıtyna silteme jasap.
Olardyń barlyǵy indetke qarsy qaýipsizdiktiń qajetti sharalaryn saqtaı otyryp, ınfektsııalyq bokstarǵa oqshaýlanǵan jáne emdeý kýrsynan ótýde.
Qaraǵandy oblysynda koronavırýs ınfektsııasynyń 55 jaǵdaıy zerthanalyq túrde rastaldy, onyń ishinde bir ólim oqıǵasy tirkelgen.
«Vırýsty juqtyrýy yqtımal barlyq adamdardy anyqtaý úshin muqııat epıdemıologııalyq tekserý júrgiziledi. Juqtyrǵandarmen baılanysta bolǵandar oqshaýlanady.
Qaraǵandy oblysynda úı karantıninde 1 440 adam otyr. Táýlik boıy baqylaýda - 908 patsıent, onyń ishinde 54-i juqpaly bokste. Bul - 1A jáne 1B sanatyndaǵy elderden (Italııa, Frantsııa, Ispanııa, Iran, Germanııa, Úndistan, Taıland, Malaızııa, BAÁ, Shrı-Lanka, Mysyr) oralǵan nemese juqtyrǵan adamdarmen shartty túrde baılanysta bolǵan azamattar.
Jumysqa barlyǵy 690 medıtsına qyzmetkeri jumyldyryldy. Statsıonarlar barynsha tolǵan jaǵdaıda qosymsha taǵy 1 125 maman, sondaı-aq áskerı lazaretterden 6 dáriger men 12 birlik orta medıtsınalyq qyzmetker, balalar sanatorııleriniń jumysyn ýaqytsha toqtatý esebinen 40 maman jumyldyrylatyn bolady», - delingen aqparatta.
Pnevmonııa men JRVI kúdigi bar naýqastardy emdeý úshin pýlmonologııalyq gospıtaldar ashyldy. Vırýstyq ınfektsııamen aýyratyn naýqastarǵa mamandandyrylǵan jedel járdem brıgadalary qyzmet kórsetedi. JRVI-nyń alǵashqy belgileri paıda bolǵan kezde birden telefon arqyly ýchaskelik dárigermen (emhanaǵa kelýdiń qajeti joq) nemese jedel járdemge qońyraý shalý qajet.
