Qaraǵandy oblysynda koronavırýstan emdeıtin 5 aýrýhana jabyldy

QARAǴANDY. QazAqparat – Qaraǵandy oblysynda bosaǵan bes kovıd gospıtali jabyldy. Olar halyqqa kópbeıindi medıtsınalyq kómek kórsetý úshin shtattyq jumys rejımine oraldy, dep habarlaıdy QazAqparat tilshisi.

«Syrqattaný kórsetkishi eki esege jýyq tómendegeni baıqalady. Ortasha alǵanda, kúnine shamamen 350 adam indet juqtyrady. Osyǵan baılanysty bizde tósek qorynyń júktemesi azaıdy. Barlyǵy 4 264 tósek ornalastyryldy, buǵan deıin biz onyń 1 433-in jınap tastadyq. Sonyń arqasynda bes kovıd gospıtali jabyldy. Olar Qaraǵandy oblysynyń turǵyndaryna kópbeıindi kómek kórsetý úshin qaıtaryldy. KVI tósek-ornynyń júktemesi - 29 paıyz», - dedi densaýlyq saqtaý basqarmasynyń basshysy Gamal Toqsambaev.

Gospıtaldardyń jansaqtaý bólimshelerinde 80 patsıent jatyr.

Onyń kópshiligi uzaq ýaqyt ózin-ózi emdeýden keıin ókpeniń zaqymdanýynyń joǵary paıyzymen ınfektsııalyq aýrýhanaǵa túsken. ÓJJ apparatyna 27 adam qosylǵan.

Aýrýdyń tómendeýine qaramastan, bosańsýǵa áli erte. Aımaq áli de «qyzyl» aımaqta.

«Biz oblys turǵyndaryn ózin-ózi emdemeı, barlyq shekteý sharalaryn saqtaýǵa jáne ózderi men jaqyndaryn qorǵaýǵa shaqyramyz», - dedi qaraǵandylyqtarǵa Gamal Toqsambaev.

Ótken táýlikte, 14 qyrkúıekte oblysta 340 jańa KVI jaǵdaıy tirkeldi, 354 adam saýyǵyp ketti.