Qaraǵandy oblysynda koronavırýsqa qarsy vaktsınatsııa qalaı júrip jatyr

Qaraǵandy oblysynyń Qoǵamdyq densaýlyq saqtaý qyzmetiniń basshysy Bıbigúl Tólegenova bul týraly tolyǵyraq baıandap berdi.

- Qazir oblys boıynsha qansha vaktsınatsııa ortalyqtary jumys isteıdi?

- Bizde 35 vaktsınatsııa ortalyǵy ázirlendi, onda 115 egý kabıneti bar. Bir egý kabıneti táýligine 70-80 adamǵa vaktsına sala alady.

Qazir 14 vaktsınatsııa ortalyǵy jumys isteıdi, bul 30 kabınet. Vaktsınatsııa Qaraǵandy, Temirtaý, Abaı, Saran, Shahtınsk, Balqash, Jezqazǵan qalalarynda júrgiziledi. Qarqaraly aýdanynda ortalyq aýrýhana janynan bir ortalyq ashylǵan.

- Ekpe alǵysy keletinder az emes. Vaktsına jetkilikti me?

- Birinshi sáýirde oblys vaktsınanyń birinshi komponentiniń 7 600 dozasyn aldy. Epıdemıologııalyq jaǵdaıdy eskere otyryp, biz birinshi kezekte bul partııany medıtsınalyq jáne áleýmettik mekemelerdiń qyzmetkerleri vaktsınatsııalaý jóninde sheshim qabyldadyq. Bul táýekel toptarynyń biri.

Osy aptanyń sońyna qaraı taǵy 40 myń dozany alamyz. Sáýir aıynda taǵy da jetkiziledi bolady. Bul Qaraǵandy farmatsevtıkalyq kesheninde quıylatyn «Spýtnık V» vaktsınasy.

Halyqty jappaı vaktsınatsııalaý sáýir aıynyń ortasynda bastalady dep úmittenemiz. Biz iri saýda úılerinde vaktsınatsııa ortalyqtaryn ashý jhninde sheshim qabyldadyq. Bul kóshpeli pýnkter emes, tolyqqandy qurylymdar: dárigerlik jáne egý kabınetteri, vaktsınadan keıingi baqylaý jáne shuǵyl kómek aımaqtary bolady. Biz olardy statsıonarlyq medıtsınalyq tońazytqysh jáne barlyq qajetti jabdyqpen qamtamasyz etemiz. Qazir bul ortalyqtardy sanepıdqyzmetpen kelisý júrip jatyr.

- Vaktsına alǵysy keletinder qaıda barýy kerek?

- Tirkelý orny boıynsha emhanaǵa júginý qajet. Sizdi kútý tizimine jazady.

Bótelkede bes doza bar, sondyqtan bes adamnan turatyn top qurylady. Árbir doza esepte. Eger qandaı da bir sebeptermen taǵaıyndalǵan kúni siz vaktsınatsııaǵa kele almasańyz, bul týraly habarlaýyńyz qajet. Sizdiń kezegińiz basqa adamǵa aýystyrylady.

KVI vaktsınatsııasy erikti jáne tegin. Balalar men 18 jasqa deıingi jasóspirimderge vaktsınatsııalanbaıdy. Basqa jas shekteýi joq.

- Vaktsınanyń ekinshi komponentine medıtsınalyq keri áser bergen jaǵdaı kezdesti me?

- Iá, ondaı úsh oqıǵa boldy. Biz ony patsıent ekpe alǵanǵa deıin aýyryp, sozylmaly derti tolyǵymen jazylmaǵan jáne aǵzasy daıyn bolmaǵan dep otyrmyz. Mundaı adamdarǵa emdeýden keıin birden egilmeı, kem degende eki apta kútýge keńes beremiz.

Ekinshi komponentke medıtsınalyq keri áser alǵan úsh adam qazir vaktsınatsııa kezeńin aıaqtaǵysy keledi. Ýaqytsha úziliske qaramastan, oǵan ruqsat etiledi.

- Kópshilikti tolǵandyratyn taǵy bir másele. Eger adam KVI-men aýyrsa jáne antıdene bolsa, vaktsınatsııadan ótýi kerek pe?

- Búkil álem ǵalymdary postkovıdti sındrom týraly aıtady. Aýrý deneniń barlyq júıelerine áser etedi. Ońaltý kezeńi uzaq.

Jasandy ımmýnıtettiń bolǵany jón. «Spýtnık V» vaktsınasyn jasaýshy Gamaleıa ınstıtýty ımmýnıtet eki jylǵa deıin qalyptasady degen maqalasyn jarııalady.

Aýrýdan keıin antıdenelerdiń joǵary tıtri bolǵanyna qaramastan, men eki komponentpen vaktsınatsııa aldym. Vaktsınatsııadan keıin jáne qazir ózimdi jaqsy sezinemin. Men aýyryp, tabıǵı ımmýnıtetke ıe bolǵan adamdarǵa da vaktsınatsııadan ótýdi usynamyn.

Vaktsınatsııa - bul qajet, ol ózińizdi jáne jaqyndaryńyzdy qorǵaýdyń, pandemııany toqtatýdyń jalǵyz tásili.