Qaraǵandy oblysynda koronavırýsqa qarsy vaktsınatsııa qalaı ótýde
QARAǴANDY. QazAqparat – Qaraǵandy oblysynda koronavırýsqa qarsy vaktsınatsııa naýqany jalǵasýda. 72 713 adam tolyǵymen egildi, birinshi komponentti 144 352 turǵyn aldy. Bul týraly Ortalyq kommýnıkatsııalar qyzmetiniń alańynda ótken brıfıng barysynda óńir basshysy Jeńis Qasymbek aıtty, dep habarlaıdy QazAqparat tilshisi.
Qaraǵandy oblysynda 4 899 ınfektsııalyq tósek oryn bar. Olardyń tolymdylyǵy 36%-dan aspaıdy. Oblystyń statsıonarlary men emhanalarynda dári-dármekter men JQQ-nyń úsh aılyq qory bar.
«Barlyq qajetti medıtsınalyq jabdyqtar, onyń ishinde 26 kompıýterlik tomograf bar. Jan basyna shaqqandaǵy tomograftar sany boıynsha oblys respýblıkada jetekshi oryndardyń birin alady», – dep atap ótti Jeńis Qasymbek.
Óńirdiń barlyq qalalary men aýdandarynda mamandandyrylǵan tońazytqysh jabdyqtarymen jabdyqtalǵan 115 ımmýndaý kabıneti jumys isteıdi. Sondaı-aq, segiz iri saýda ortalyǵynda egý kabınetteri bar.
Sonymen qatar, qyzmetkerlerdi ımmýndaý úshin óndiristik kásiporyndarǵa egý brıgadalary barady.
Jalpy, oblysta medıtsınany damytýǵa kóp kóńil bólinedi. Bıylǵy jyly birqatar ınfraqurylymdyq jobalardy iske asyrý josparlanyp otyr.
Máselen, eki jańa jedel kómek qosalqy stantsııasy ashylmaq. Maýsym aıynda operatsııalyq-reanımatsııalyq bloktyń jáne onkologııalyq dıspanser janyndaǵy ıadrolyq medıtsına ortalyǵy ǵımaratynyń qurylysy bastalady. Sondaı-aq, oblystyq balalar klınıkalyq aýrýhanasynyń qurylysy aıaqtalýy tıis.
Aýyldyq jerlerde úsh jyl ishinde 32 FAP salynady.
