Qaraǵandy oblysynda koronavırýs juqtyrǵan eki adam buryn aýyrǵandarmen baılanysta bolǵan
QARAǴANDY. QazAqparat – Búgin saǵat 12:30-daǵy málimetter boıynsha Qaraǵandy oblysynan eki adamnyń kornavırýs juqtyrǵany málim boldy, dep habarlaıdy QazAqparat coronavirus2020.kz saıtyna silteme jasap.
Vırýsty juqtyrǵandar 1972 jáne 1973 jylǵy áıel adamdar, Temirtaý qalasynyń turǵyndary. Ekeýi de vırýsty juqtyrǵan naýqastarmen baılanysta bolǵany úshin karantındik gospıtalge jatqyzylǵan.
Búgingi tańda oblysta ınfektsııany juqtyrǵan 101 adam tirkelgen, onyń bireýi qaıtys boldy, 15 naýqas jazylyp shyqty.
