Qaraǵandy oblysynda koronavırýs juqtyrǵan 90 adam tirkeldi
QARAǴANDY. QazAqparat - Qaraǵandy oblysynda koronavırýs ınfektsııasyn juqtyrǵan 90 adam tirkeldi. Ósim 19,1 paıyz, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram paraqshasyna silteme jasap.
23 mamyrdaǵy málimet boıynsha, PTR dıagnostıkalyq zertteý nátıjesine sáıkes 90 adamnan COVID-19 vırýsy anyqtaldy.
Tirkelgen jaǵdaılardyń 24-i skrınıng nátıjesinde jáne 66-sy vırýsty juqtyrǵandarmen jaqyn baılanysta bolǵandardy tekserý kezinde anyqtaldy. Barlyǵy juqpaly aýrýlar statsıonarlaryna jatqyzyldy. Qazirgi ýaqytta naýqastardyń jaǵdaıy qanaǵattanarlyq, em alyp jatyr.
Oshaqtarda zalalsyzdandyrý sharalary júrgizilip jatyr.
Búgingi málimet boıynsha oblysta koronavırýs juqtyrǵan 562 adam anyqtalǵan, onyń ishinde 3 adam kóz jumǵan jáne 190 naýqas jazylyp shyqqan.
