Qaraǵandy oblysynda koronavırýs juqtyrǵan 6 adam da Temirtaý qalasynyń turǵyndary
QARAǴANDY. QazAqparat - Búgin tańǵy saǵat 09:35 mınýttaǵy jaǵdaı boıynsha Qaraǵandy oblysynda koronavırýs ınfektsııasyn juqtyrǵan 6 adam tirkelgendigi anyqtaldy.
Bul týraly QazAqparat Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabyna silteme jasap habarlaıdy.
Vırýsty juqtyrǵandar — 1963, 1946 jáne 1977 jylǵy áıel adamdar, 2006 jyly týǵan qyz bala, 1938 jylǵy er adam, 2010 jyly týǵan ul bala.
Barlyǵyn ózderine deıin vırýsty juqtyrǵan naýqastarmen baılanysta bolǵan. Buǵan deıin karantındik gospıtalge jatqyzylǵan. Barlyǵy Temirtaý qalasynyń turǵyndary.
Búgingi tańda oblysta ınfektsııany juqtyrǵandar sany 99 adamǵa jetti, 1 adam qaıtys bolǵan, 13 naýqas jazylyp shyqty.
