Qaraǵandy oblysynda koronavırýs juqtyrǵan 42 adam tirkeldi
QARAǴANDY. QazAqparat - Qaraǵandy oblysynda koronavırýs juqtyrǵan 42 adam tirkeldi, ósim (9,8%), dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııaǵa silteme jasap.
22 mamyrdaǵy málimetke sáıkes PTR dıagnostıkalyq zertteý nátıjesi boıynsha 42 adamda COVID-19 vırýsy anyqtaldy.
Tirkelgen adamdardyń 12-si skrınıng barysynda jáne 30-y vırýsty juqtyrǵan adammen jaqyn baılanysta bolǵandardy tekserý nátıjesinde anyqtaldy.
Barlyǵy juqpaly aýrýlar statsıonarlaryna jatqyzyldy. Qazirgi ýaqytta naýqastardyń jaǵdaıy qanaǵattanarlyq, bekitilgen hattamaǵa sáıkes em alyp jatyr.
Oshaqtarda dezınfektsııalaý sharalary júrgizilip jatyr.
22 mamyrdaǵy ahýal boıynsha Qaraǵandy oblysynda vırýsty juqtyrǵan 472 adam anyqtaldy, onyń ishinde 3 adam qaıtys bolǵan jáne 180 naýqas jazylyp shyqty.
