Qaraǵandy oblysynda koronavırýs órship, ákimdik shuǵyl sharalar qabyldap jatyr
NUR-SULTAN. QazAqparat - Qaraǵandy oblysynda koronavırýs órship tur, dep habarlaıdy QazAqparat.
Bul týraly óziniń Facebook paraqshasynda Qaraǵandy oblysynyń ákimi Jeńis Qasymbek jazdy, dep habarlaıdy QazAqparat.
Ákimniń sózinshe, osymen ekinshi apta boıyna oblysta koronavırýs ınfektsııasyn juqtyrǵandar sany artyp keledi. Qaraǵandy, Shahtınsk, Temirtaý jáne Abaı aýdandarynda da vırýs órship tur. Sondaı-aq, ınfektsııadan kóz jumý jaǵdaılary da oryn alýda.
«Tek sońǵy táýlikte aýrý juqtyrǵandardyń sany 265-ke jetti. Osyǵan baılanysty densaýlyq saqtaý isine basa nazar aýdarylyp otyr. Birinshi, tıisti ıfraqurylym ázirlendi. Qazir kovıdpen aýyratyn naýqastardy 26 aýrýhana qabyldaıdy. Biz tósek oryn sanyn 4899-dan 6174-ke deıin arttyrdyq. Bos tósek oryn qory 76% quraıdy. Epıdemıologııalyq ahýaldyń kez-kelgen ózgeristeri jaǵdaıynda jedel is-áreket etý maqsatynda taǵy 26 gospıtal ázirlenip, konservatsııalandy.
Ekinshi. Infektsııalyq statsıonarlardaǵy jumysqa 2364 adam tartyldy. Rezervte 449 medıtsına qyzmetkeri bar. Jedel medıtsınalyq járdem qyzmetinde 99 brıgada quryldy. Qazir mamandardyń bul sany jetkilikti.
Úshinshi. Materıaldyq-tehnıkalyq qamtamasyz etý erekshe baqylaýda. 10 zerthana jumys isteıdi, olar eń joǵary júkteme jaǵdaıynda qýatyn táýligine 20 myń testke deıin arttyrýǵa ázir. Qazir biz táýligine 4-5 myń adamdy synaqtan ótkizip jatyrmyz. Bir jyl ishinde 26 KT kabıneti ashyldy. Aýrý kórsetkishteriniń eń joǵary kezeńinde táýlik boıy tekserý rejımi qamtamasyz etiledi. Medıtsınalyq uıymdar úshin qosymsha 300 birlik jabdyq satyp alyndy. Dári-dármekter men JQQ-nyń qory 3 aı merzimge ázirlendi.
Tórtinshi. Vaktsınalaý naýqany jalǵasýda. 27 maýsym merzimine 1-shi komponent 224 620 adamǵa, 2-shi komponent 146 654 adamǵa egildi. Búgingi kúni oblysqa «Spýtnık V», «KazVak», «KoronaVak» jáne Hayat-Vax vaktsınalarynyń jetkilikti mólsheri jetkizildi. 102 vaktsınalaý pýnkti jumys isteıdi»,-dedi Jeńis Qasymbek.
Dárigerlerdiń aıtýynsha, koronavırýsty boldyrmaýdyń negizgi quraly - vaktsınalaý. Qazir biz kásiporyndardy jappaý jáne aımaq ekonomıkasyn toqyraýǵa ushyratpaý úshin qajetti sharalardy qabyldap jatyrmyz. Sondyqtan kópshiligimizge ekpe alý óte mańyzdy. Osy arqyly biz aldaǵy aılarda pandemııadan qorǵanyp, burynǵy belsendi ómir saltyna oralýǵa múmkindik alamyz.
«Sizdermen birlesken is-qımyldarymyz arqyly profılaktıkalyq is-sharalar men vaktsınalaý jumystary tıimdi bolady dep senemin»,-dedi oblys ákimi.
