Qaraǵandy oblysynda qora órtenip, 70-ke jýyq iri qara men usaq mal janyp ketti
QARAǴANDY. QazAqparat - Qaraǵandy oblysy Abaı aýdanynyń Borodınovka aýylynda saraı órtenip, 47 iri qara men 20 usaq mal janyp ketti, dep habarlaıdy QazAqparat tilshisi.
27 jeltoqsan kúni saǵat 05-39-da Abaı aýdanynyń Borodınovka aýylyndaǵy órt týraly habarlama kelip tústi. Shaqyrý ornyna eń jaqyn órt sóndirý bólimi jiberildi. Órt sóndirýshilerge 65 shaqyrym jol júrýge týra keldi.
«Sharýashylyq qurylysyndaǵy jeke turǵyn úı aýmaǵynda 140 sharshy metr alańda órt boldy. Tilsiz jaý saǵat 10:26-da aýyzdyqtaldy. Órt saldarynan 47 bas iri qara men 20 bas usaq mal qyryldy. Órttiń shyǵý sebebi anyqtalýda», - dep habarlady Qaraǵandy oblysy TJD baspasóz qyzmeti.
