Qaraǵandy oblysynda kópqabatty úıdiń bir bóligi opyrylyp tústi, adam shyǵyny bar
ASTANA. QazAqparat - 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasy Shahan aýylyndaǵy kópqabatty úıdiń bir bóligi opyrylyp túskeni jaıly habar keldi. Bul týraly QR ІІM TJK resmı ókili Rýslan Imanqulov habarlady.
Oqıǵa ornyna shuǵyl túrde TJD qutqarýshylary jóneltilip, turǵyndar evakýatsııalandy.
Qazirgi sátte 4 adam qutqaryldy, onyń 2-eýi - balalar.
Málimetter boıynsha, úıindiniń astynda qalyp qoıǵan turǵyndar bar. 1 adamnyń máıiti tabyldy, ol úıdiń bóligi qulaýy kezinde qaza tapqan.
Qazir qutqarýshylar úıindini arshý jumystaryn júrgizip jatyr. Oǵan 70 adam men 16 tehnıka jumyldyryldy.
Oqıǵanyń neden bolǵany anyqtalý ústinde. Qosymsha aqparat beriletin bolady.
