Qaraǵandy oblysynda kópbalaly analar jańa mamandyqtardy ıgerip jatyr

QARAǴANDY. QazAqparat - Qaraǵandy oblysynda Saran jáne Abaı aýdanynda kópbalaly jáne turmysy tómen otbasy múshelerine úıde otyryp tabys tabýdy úıretetin eki frılans mektebi ashyldy, dep habarlaıdy QazAqparat tilshisi.

Kýrsqa qatysýshylar tigin tigý, kıiz ıleý isi men aspaz mamandyǵyn meńgeredi. Qazirgi tańda atalǵan mamandyqtar boıynsha 40 adam bilim alyp jatyr.

Abaı aýdanynda «Іsker Ana» frılanser mektebi jumys isteıdi. Onda kópbalaly analar qolóner buıymdaryn jasaýdy úırenip, aspazdyq ónerdi meńgeredi. Aldaǵy ýaqytta olar ózderi jasaǵan buıymdaryn satý arqyly otbasylyq tabystaryn arttyra alady.

Al Saran qalasyndaǵy frılanser mektebinde tyńdaýshylardy eki baǵyt boıynsha oqytady: tigin sheberligi jáne IT-tehnologııalar. Kópbalaly jáne turmysy tómen otbasylardyń oqý kýrstarynan ótken músheleri tigin fabrıkalarynan tapsyrystar ala alady. Ol úshin kásiporyndarmen áleýmettik jumys oryndaryn qurý týraly kelisim jasalǵan.

Kásipkerlik negizderi «Bastaý Bıznes» jobasy boıynsha tegin kýrstarda oqytylady. Oǵan qatysýshylar óz startapyna tegin grant alý múmkindigine ıe.