Qaraǵandy oblysynda kómir satý núkteleriniń ınteraktıvti kartasy jańartyldy
QARAǴANDY. QazAqparat - Qaraǵandy oblysynda kómir satý núkteleriniń ınteraktıvti kartasy qaıta qaraldy. Kartanyń kómegimen paıdalanýshylar jaqyn mańdaǵy kómir satý kásipornyn ońaı anyqtaı alady, dep habarlaıdy QazAqparat tilshisi.
Atalmysh kartalar arqyly sondaı-aq otyn qunyn anyqtaýǵa bolatyn telefon nómirlerin bilýge bolady. Bıyl qara otynnyń baǵasy 8000 teńgeden 13500 teńgege deıin bolady.
Bul rette halyqtyń qatty otynǵa degen suranysy aldyn ala boljam boıynsha 1.9 mln.tonnany quraıdy.
Bıylǵy jyly kómir satý boıynsha 36 núkte, onyń ishinde 23 temir jol tuıyǵy men 13 qoıma jumys isteıtin bolady.
Qazir oblystyń barlyq razrezderi qatty otyndy tıeýge daıyn kenderin málimdedi.
Esterińizge sala keteıik, kómir naryǵyndaǵy dúrligýden aýlaq bolý úshin Qaraǵandy oblysynda jaǵdaı aldyn ala baqylaýǵa alynǵan bolatyn. Óńir turǵyndaryna jylý berý maýsymy bastalǵanǵa deıin, qazirden bastap otyn qoryn tolyqtyryp alý usynylýda.
