Qaraǵandy oblysynda kómir máselesin retteıtin shtab quryldy
QARAǴANDY. QazAqparat - Qaraǵandy oblysynda qatty otynnyń tasymaldanýy men baǵa saıasaty boıynsha jaǵdaıdy retteý maqsatynda arnaıy shtab quryldy, dep habarlaıdy «QazAqparat» HAA tilshisi.
Oblys ákimi Erlan Qoshanovtyń aıtýynsha, óńirde respýblıka turǵyndarynyń qajettiligine 9 aıda 2 mıllıon tonna kómir jóneltilgen, bul 2016 jyldyń osy kezeńimen salystyrǵanda 18%-ke kóp. Óńirge negizgi kómir jetkizýshi - «Shubarkól kómir» AQ-pen qaýyrt jaǵdaıdy retteý maqsatynda qosymsha sharalar qarastyrylǵan.
Oblysta Qazaqstan Premer-Mınıstriniń respýblıka naryǵyna táýliktik kómir shyǵarý kólemin arttyrý jónindegi tapsyrmasy oryndaldy. Tehnıka kóbeıtilip, vagondar sany 140-tan 180-ge deıin jetkizilgen.
«Jalpy, kómir jetkilikti mólsherde, vagon máselesi de sheshildi. Astanaǵa táýligine 25 vagon kómir jóneltilip jatyr, bul turǵyndardyń kómirge degen suranysyn qanaǵattandyrýǵa jetedi», - dedi óńir basshysy. Oblys turǵyndaryn kómirmen qamtamasyz etý máselesi de rettelgen, táýlik saıyn kómir tasymaldap jatqan 60 vagon eń aldymen shalǵaı qalalar men aýdandarǵa barady.
