Qaraǵandy oblysynda kólikterdiń órtenýine ulasqan jol apatynda alty adam qaza taýyp, eki bala aýrýhanaǵa jetkizildi
QARAǴANDY. Tamyzdyń 14-i. QazAqparat /Valentına Elızarova/ - Qaraǵandy oblysynyń Nura aýdanynda juma, tamyzdyń 13-inde jol apaty oryn alyp, onyń saldarynan alty adam qaza taýyp, ekeýi túrli dene jaraqattaryn aldy,
dep habarlaıdy oblystyq ІІD baspasóz qyzmeti.
«Tamyzdyń 13-inde saǵat 13.50 kezinde Kıevka aýylynan 5 shaqyrym jerdegi «Kıevka-Temirtaý» kólik jolynda «Opel-Vektra» avtokóliginiń ázirge anyqtalmaǵan júrgizýshisi Temirtaý qalasyna barar jolda qarsy jolǵa shyǵyp ketip, Aqmola oblysynyń 43 jastaǵy turǵynyna tıesili «VAZ-2106» avtokóligine soqtyǵysty. JKO kezinde eki kólik te tolyqtaı janyp ketti», - dep habarlaıdy oblystyq ІІD baspasóz qyzmetinen.
«Opel-Vektra» avtokóliginiń ishinen otqa kúıgen eki máıit, al kólik janynan otqa janyp ketken bir máıit tabyldy. «Al «VAZ-2106» avtokóliginiń ishinen eki adamnyń ot sharpyǵan máıiti tabyldy, qaza tapqandar 33 jastaǵy áıel men 8 jasar qyz bala. Júrgizýshi aýrýhanaǵa barar jolda qaıtys boldy. Eki jolaýshy: 13 jáne 5 jasar eki bala Kıevka aýylynyń aýdandyq dárigerlik birlestigine túrli dene jaraqattarymen jetkizildi», - delingen oblystyq ІІD baspasóz qyzmeti taratqan málimette.
