Qaraǵandy oblysynda kólik urlaýshylar jarty saǵat ishinde ustaldy
QARAǴANDY. QazAqparat - Qaraǵandy oblysy Buqar jyraý aýdany polıtsııa basqarmasynyń qyzmetkerleri jábirlenýshiden ótinish túskennen keıin 30 mınýt ishinde kólik urlaýshylardy qolǵa túsirdi, dep habarlaıdy Qazaqparat.
14 shildede Qaraǵandy oblysy Buqar jyraý aýdany polıtsııa basqarmasynyń kezekshi bólimine Úshtaý aýylynyń turǵyny «Mersedes» markaly kóligin urlap ketkendigi týraly habarlaǵan.
Tártip saqshylary Buqar jyraý aýdanynyń barlyq joldaryn tekserdi. Habar túskennen keıin jarty saǵat ótken soń ýchaskelik polıtsııa ınspektory Erlan Jańashev pen patrýldik polıtsııanyń eki ınspektory Jaras Aqylbekov pen Bahtııar Ysqaqov Sarytóbe aýylynyń mańynda urlanǵan avtokólikti toqtatyp, kúdiktilerdi ustady. Ol Qaraǵandy oblysynyń úsh turǵyny bolyp shyqty, olar Qaraǵandy qalasyna jetý úshin avtokólikti aıdap ketkenin moıyndady.
Atalmysh derek boıynsha Buqar jyraý aýdanynyń polıtsııa basqarmasynda QR QK-niń 200-baby boıynsha sotqa deıingi tergeý bastaldy (avtomobıldi nemese ózge de kólik quraldaryn urlaý maqsatynsyz zańsyz ıelený).
