Qaraǵandy oblysynda kólik apatynan 5 adam ajal qushty
QARAǴANDY. QazAqparat - Qaraǵandy-Balqash tas jolynyń Abaı aýdanymen ótetin bóliginde 5 adam qaza taýyp, 2 kisi jaraqat aldy, dep habarlaıdy «QazAqparat» HAA.
«Mersedes» jáne «Toıota» markaly kólikter Abaı aýdany Spassk kentinen 20 shaqyrym jerde betpe-bet soqtyǵysqan. Mersedeste shymkenttik 3 er adam bolǵan. Toıotada eki balasymen birge almatylyq januıa kele jatqan. «Mersedes» markaly kólik ne sebepti qarsy jolaqqa shyǵyp ketkeni anyqtalý ústinde. Onda bolǵan úsh kisi de qaza tapty. Al Toıotada bolǵan 2 jasar qyz ben onyń anasy ajal qushty. 4 jasar ul bala men júrgizýshi aýrýhanada jatyr.
«Ul bala men er adam jansaqtaý bóliminde jatyr», - dep habarlady Maqajanov atyndaǵy ortopedııa jáne travmatologııa ortalyǵynan.
