Qaraǵandy oblysynda kóktemgi ańshylyq maýsymy qashan bastalady
QARAǴANDY. QazAqparat – 2-16 sáýir aralyǵynda Qaraǵandy oblysynyń ońtústik bóliginde, atap aıtqanda Jańaarqa, Shet, Ulytaý jáne Aqtoǵaı aýdandarynda ań aýlaý maýsymy kúshinde bolady. Al Osakarov, Buqar jyraý, Nura, Qarqaraly jáne Abaı aýdandarynda ańshylyq 16 sáýirde bastalyp, 30 sáýirde aıaqtalady, dep habarlaıdy QazAqparat tilshisi.
Ańshylardyń janýarlar dúnıesin paıdalanýǵa ruqsaty, ańshy kýáligi, ańshylyq sharýashylyǵy sýbektisiniń joldamasy bolýy qajet.
Atys qarýymen ań aýlaý kezinde azamattyq qarý men onyń patrondaryn saqtaýǵa jáne alyp júrýge ruqsat qujaty bolýy shart.
«Ań aýlaý bekitilgen merzimder men janýrlardyń túrlerine sáıkes qatań belgilengen jerlerde ǵana bolady. Bul rette faýna ókilderiniń sırek kezdesetin jáne joıylyp bara jatqan túrleriniń tirshilik etý ortasyn saqtaý jáne jaqsartý úshin janýarlar álemine uqypty qaraý qajet. Sondaı-aq, atys qarýyn qoldanǵan kezde qaýipsizdik erejelerin saqtaý kerek», - dep málimdedi Qaraǵandy oblysynyń babıǵı resýrstar jáne tabıǵat paıdalanýdy retteý basqarmasy.
Ruqsat qujattary bolmaǵan, ań aýlaý erejeleri saqtalmaǵan, sondaı-aq janýarlardyń sırek túrlerin aýlaý kezindegi ańshylardyń is-áreketteri brakonerlik bolyp baǵalanady, bul úshin quqyq buzýshylarǵa jaýapkershilik júkteledi.
