Qaraǵandy oblysynda Qoǵamdyq kelisim keńesiniń róli keńeıedi
Oǵan QHA músheleri, memlekettik organdar, etnomádenı birlestik aktıviniń basshylary qatysty. Qatysýshylar QHA XXIV sessııasynda qoıylǵan mindetterdi sheshý joldaryn talqylady. «Táýelsizdik alǵan kúnnen bastap jas memleket ultaralyq kelisim men ózara túsinistikti saqtaý men nyǵaıtýǵa basa nazar aýdardy.
Búginde oblysta dostastyq, birlik, syılastyq sezimimen birikken 100-den astam etnos ókilderi turyp jatyr, - dep atap ótti ákim Nurmuhambet Ábdibekov. - Qaraǵandy oblysynyń QHA 40 etnos ókilderi ózara jumys isteıtin 75 etnomádenı birlestikterdiń qyzmetin shoǵyrlandyrady. Jyl saıyn bizde jańa ulttyq-mádenı ortalyqtar paıda bolyp jatqany qýantady.
Olardyń qyzmetiniń arqasynda bizde oblysta turatyn etnostardyń tól mádenıetimen keńinen tanysýǵa múmkindigimiz bar. Óńir basshysy Assambleıa qyzmetiniń jańa baǵyttary jaıly aıtty. Bul - qaıyrymdylyq, medıatsııa, qoǵamdyq baqylaý. «Oblysta Medıatsııa ortalyǵy, 173 Qoǵamdyq kelisim keńesi, 229 analar keńesi, oblystyq máslıhattyń qoǵamdyq jáne etnıkaaralyq kelisim máseleleri boıynsha partııaaralyq yntymaqtastyq depýtattyq toby men QHA ǵylymı saraptaý toby bar», - dep naqtylady N. Ábdibekov.
Atqarýshy bılikpen birge qoǵamdyq organdar oblystyń qoǵamdyq-saıası jaǵdaıyn jaqsartýǵa, áleýmettik-eńbek daýlaryn sheshýge, aldyn alýǵa, otbasy múddelerin qorǵaýǵa jáne t.b. baǵyttalǵan máselelerdi sheshedi. Sessııada QHA Qoǵamdyq kelisim keńesi, Analar keńesiniń rólin kúsheıtý sheshimi qabyldandy.
«Aýdan jáne qala ákimderi «Máńgilik el - birlik, beıbitshilik jáne kelisim» umytylmas qundylyqtaryn ár úıge, ár otbasyǵa jetkizý úshin etnomádenı birlestikterdiń áleýetin keńinen paıdalaný qajet», - dep tapsyrdy óńir basshysy. Oblystyq QHA birqatar músheleri etnostyń 25 ókilimen tolyqty.
Onyń ishinde - etnomádenı birlestikterdiń jastar bólimsheleriniń basshylary, pedagogtar, sportshylar, t.b. bar. Sessııa marapattaýmen aıaqtaldy. Birqatar qaraǵandylyqtar halyq birligin nyǵaıtý, mádenıaralyq dıalog pen qazaqstandyq patrıotızmdi damytýǵa qosqan úlesi úshin QHA «Birlik» altyn medalimen marapattaldy. Sondaı-aq «Qazaqstan Respýblıkasynyń Táýelsizdigine 25 jyl» mereıtoılyq medali men oblys ákiminiń qurmet gramotalary tabys etildi.
