Qaraǵandy oblysynda kitaphana qorlary tsıfrlyq formatqa aýystyrylýda
Birinshi kezekte Ólketaný ádebıeti qory tsıfrlandyrylady. «Rýhanı jańǵyrý» baǵdarlamasy jáne «Rýhanı Qazyna» qosymsha baǵdarlamasy aıasynda aqparattyq tehnologııalardy damytý jobalary iske asyrylýda.
Kitaphanalar maqalalardy tsıfrlyq formatqa aýystyryp qana qoımaı, tolyq mátindi málimetter bazasyn, elektrondy kitaphanalardy qurady. Búginde 53 myńǵa jýyq qujat tsıfrlandyryldy, bul 164 myńnan astam bet. Tsıfrlanǵan qujattar elektrondyq katalogqa tirkeledi. Qazirgi tańda 35720 ólketaný qujattary baılanystyrylǵan. Qazaqstan ulttyq elektrondyq kitaphanasyna ólketaný sıpatyndaǵy 396 kitap ataýy berildi.
N. V. Gogol atyndaǵy Qaraǵandy oblystyq ámbebap ǵylymı kitaphanasy «Rýhanı jańǵyrý» baǵdarlamasy boıynsha biregeı ólketaný resýrstaryn óndirýmen aınalysýda. Aýqymdy joba oblystyń ádebı atlasyn, «Qaz daýysty Qazybek bı» elektrondyq entsıklopedııasyn, oblystyń Eńbek dańqy kitabyn, ólketaný serýenin jáne taǵy basqasyn qurýdy qamtıdy.
Ólketaný merzimdi basylymdary mańyzdy jáne qundy, biregeı jáne kóbine jalǵyz ǵana aqparat kózi bolyp tabylady. Sondyqtan tsıfrlyq tehnologııalar arqyly olardy saqtaý óte mańyzdy.
Oblys kitaphanalary mobıldik jáne ınternet-tehnologııalardy paıdalana otyryp, kitaphana qyzmetteri men servısterin keńeıtedi.
Shahtınsk ortalyqtandyrylǵan kitaphana júıesi «Rýhanı jańǵyrý» baǵdarlamasy sheńberinde «Karlag tarıhy sandyq formatta» jobasyn júzege asyrdy. Búgingi tańda 30-shy jyldardaǵy gazetter tsıfrlandyryldy. Tolyq mátindi málimetter bazasy bar «sandyq formatta Karlag» elektrondyq katalogy quryldy.
«Tsıfrlyq Qazaqstan» baǵdarlamasy aıasynda eldiń barlyq kitaphana qoryn 2022 jylǵa deıin keshendi tsıfrlaýdy aıaqtaý kózdelgen. Oblysta úderisti jedeldetý úshin kitaphanalarǵa planetarlyq skanerler satyp alý jáne shtatqa tsıfrlyq sala mamanyn qabyldaý josparlanýda.