Qaraǵandy oblysynda kıik múıizderimen brakonerler ustaldy
QARAǴANDY. QazAqparat – Qaraǵandy oblysynda kıikterdi atyp alǵan brakonerler ustaldy, dep habarlaıdy QazAqparat.
«Qaraǵandy orman jáne janýarlar dúnıesin qorǵaý sharýashylyǵynyń mamandary Nura aýdanynyń Şerbakovskıı kentindegi Ohotzooprom ınspektorlarymen jáne aýmaqtyq ınspektsııasymen birge túngi reıd ótkizip, brakonerlerdi quryqtady. Kólikte úsh kıiktiń basy jáne terisi boldy. Janýarlardy aýlaǵan ańshylardyń biri kinásin moıyndady», - delingen oblys ákimdiginiń resmı saıtynda.
Málim etilgendeı, brakonerlerdi aqbókenderdiń tirshilik etý ortasyna monıtorıng jasap júrgen Qaraǵandy orman sharýashylyǵynyń jedel toby baıqap qalǵan. Inspektorlar Nura aýdanyna janýarlarǵa jem berip, azyqtandyrý úshin barǵan.
Qazir aqbókenderdiń tekeleri kúıleýge baılanysty álsiregen kezeń. Mamandardyń aıtýynsha, kóptegen brakoner janýarlardyń sol jaǵdaıyn paıdalanyp, atyp alady.
Kıikterdi zańsyz aýlaǵany úshin 3-ten 7 jylǵa deıin bas bostandyǵynan aıyrý jazasy qarastyrylǵanyn eske salamyz.
