Qaraǵandy oblysynda kepteliste qalǵan júk kólikteri qutqaryldy
QARAǴANDY. QazAqparat - Respýblıkalyq mańyzy bar Almaty - Ekaterınbýrg kúre jolyndaǵy keptelis joıyldy, dep habarlaıdy «QazAqparat» HAA tilshisi.
TJD habarlaýyna qaraǵanda, Qaraǵandy oblysy Spassk kentiniń mańynda kóktaıǵaq saldarynan paıda bolǵan júk kólikter keptelisi tolyǵymen tarqady.
24 jeltoqsan kúni keshkisin asýǵa shyǵa almaǵan aýyr mashınalar kepteliske tirele bastap, tańǵa deıin 60 mashına jınalyp qalǵan. Al 27 jeltoqsan kúni jedel-qutqarý jasaǵynyń qyzmetkerleri kúre jolda qalǵan uzyn-sonar kólik keptelisi máselesin tolyǵymen sheshti.
«Qutqarýshylar arnaıy kólikpen kelip, aýyr júk kólikteriniń joldaǵy kóktaıǵaq qaptaǵan asýǵa shyǵýyna kómektesti. Qutqarý beketi jergilikti polıtsııa qyzmeti jáne «Qazavtojol» qyzmetkerlerimen birlesip jol qozǵalysy tolyq turaqtanǵanǵa deıin jumystar júrgizdi», - deıdi Qaraǵandy oblysy TJD resmı ókili Janna Dáýrenbekova.
Aýa raıynyń qolaısyzdyǵyna baılanysty qutqarý beketi tas-túıin daıyndyqta otyr.
