Qaraǵandy oblysynda kenshiler men metallýrgter jeńildetilgen ıpoteka ala bastady
Esterińizge sala keteıik, turǵyn úı baǵdarlamasyn júzege asyrýǵa Qaraǵandy
oblysynyń ákimdigi «Otbasy bankimen» birlesip bastamashy boldy. Oblystyq bıýdjetten 1 mlrd teńge bólindi. Bank taǵy 700 mıllıon berdi. Ipoteka qatysýshylaryn jumysshylar eńbek etetin uıymdardyń kásipodaq komıtetteri anyqtady.
Turǵyn úı sertıfıkattaryn tabystaý Qaraǵandy oblysynyń ákimdiginde ótti.
«Biz «ArselorMıttal Temirtaýdan» baǵdarlama kólemin ulǵaıtýdy pysyqtaıtyn bolamyz. Meniń oıymsha, bul birinshi kezektegi mindet. Qazir bizge kenshiler men metallýrgterdi qoldaý óte mańyzdy. «Otbasy bankinen» qoldaý surap, basqa kompanııalarǵa osy baǵdarlamany bastaýǵa keńes bergim keledi. Ol úlken suranysqa ıe. Bul teńgemen alynatyn eń arzan qaryzdardyń biri – jyldyq mólsherlemesi 5%», – dep atap ótti óńir basshysy Jeńis Qasymbek.
Baǵdarlama qatysýshysyna beriletin qaryzdyń eń joǵary somasy – 15 mln teńge.
«Búgin biz Qaraǵandy oblysynda jeńildetilgen nesıe arqyly bastapqy nemese qaıtalama naryqta páter satyp alýǵa múmkindik beretin kredıt berý tetigin iske qosyp jatyrmyz», – dep túsindirdi «Otbasy bankiniń» Basqarma tóraıymy Lázzat Ibragımova.
Jeńildetilgen ıpotekany Qaraǵandydan, sondaı-aq Saran, Abaı, Shahtınsk jáne Temirtaý seriktes qalalarynan alýǵa bolady.
«Osyndaı kómek úshin kóp rahmet! Baǵdarlamasyz men jeke turǵyn úı satyp ala almas edim. Úshinshi jyl páter jaldap turyp keldim, buǵan deıin ata-anammen turdym. Ulymdy jalǵyz tárbıeleımin. Sondyqtan mektep janyndaǵy turǵyn úıdi muqııat qarap shyqtym», – dedi tseh operatory Natalıa Voroshılına.
«Jeńildetilgen qaryz alý – bul kenshiler men metallýrgter, jas otbasylar úshin úlken qoldaý», – deıdi «Abaı» shahtasynyń taý-ken sheberi ıÝrıı Kotov.
