Qaraǵandy oblysynda Kedendik odaq elderimen taýar aınalysy ósip jatyr
Oblystyq statıstıka departamentiniń taldaýy kórsetkendeı, 2012 jyldyń qańtarynda ózara saýda kólemi ótken jylmen salystyrǵanda 21,2 paıyzǵa ósti.
«Aldyn ala málimetter boıynsha, 2012 jyldyń qańtarynda Qaraǵandy oblysynyń Kedendik odaq elderimen ózara saýdasynyń aınalymy 201,4 mln. AQSh dollaryn quraǵan. Bul 2011 jyldyń osyndaı kezeńimen salystyrǵanda 21,2 paıyzǵa kóp. Osy kólemdegi eksport úlesi - 67,3 paıyz (135,6 mln. AQSh dollary), ımport - 32,7 paıyz (65,8 mln. AQSh dollary)», - dep habarlady oblystyq statıstıka departamentinen.
Statıstıkalyq vedomstvonyń aqparatynsha, eksporttyń barlyq kóleminiń shamamen 60 paıyzy qara metaldar úlesinde. KO elderine oblystan mys pen odan jasalǵan buıymdar (26,5 paıyz), ken, qoqys jáne kúl (5,4 paıyz), mıneraldyq otyn, munaı jáne aıyrý ónimderi, bıtýmınozdyq quraldar, mıneraldyq balaýyzdar (4,6 paıyz) shyǵarylady.
KO elderinen ımport kóleminiń shamamen 13 paıyzyn qara metaldar qurady, 10 paıyzyn - qazandyqtar, jabdyqtar men mehanıkalyq quraldar, olardyń bólshekteri, 8,6 paıyzyn - ken, qaldyq jáne kúl, 6,3 paıyzyn - dándi daqyldar dánderinen, un, krahmal nemese sútten jasalǵan daıyn ónimder, nannan jasalǵan kondıter buıymdary, 6,1 paıyzyn - kakao jáne odan jasalǵan ónimder quraǵan», - delinedi oblystyq statıstıka departamentiniń habarlamasynda.
