Qaraǵandy oblysynda «Qazaqfılm» kúnderi ótedi
QARAǴANDY. QazAqparat - Qaraǵandy oblysynda 6-8 aqpan aralyǵynda «Qazaqfılm» kúnderi ótedi, dep habarlaıdy QazAqparat tilshisi.
Kórermenderge tórt fılm kórsetiledi: «Núrken Ábdirov. Uldarymnyń eń kenjesi», «Qunanbaı», «Shyraqshy» jáne «Qarqaraly», dep habarlaıdy QazAqparat tilshisi.
Shara 6 aqpanda saǵat 16.00-de ІІM Qaraǵandy akademııasynda bastalady. Stýdentter «Qazaqfılm» shyǵarmashylyq tobymen: kompanııa prezıdenti Arman Asenov, vıtse-prezıdent Qanat Tórebaı, rejısserler Rústem Ábdirashev, Ermek Tursynov, Oleg Belıalov jáne akterler Murat Muqajanov jáne Aıdos Bektemirovpen kezdesedi. Odan keıin «Núrken Ábdirov. Uldarymnyń eń kenjesi» fılminiń kórsetilimi ótedi.
18.00-de «Saryjaılaý» kınoteatrynda kınematografıstermen taǵy bir kezdesý ótedi. Kórermenderge «Shyraqshy» fılmi kórsetiledi. Kirý tegin bolady. Kınolenta maıdannan týǵan aýylyna oralǵan sarbaz týraly áńgimeleıdi. Ol ózimen birge nemis soldatynyń bergen syılyǵy – kınoproektordy ala kelgen. Kartınanyń bas keıipkeri aýyl men qalalarǵa baryp, balalarǵa mýltfılmder kórsete bastady. Maıdannan ákelgen syılyǵymen ol ómiriniń sońyna deıin aıyrylmaǵan.
7 aqpanda delegatsııa Abaı qalasyna attanady, onda barlyq nıet bildirýshiler rejısserlermen jáne akterlermen áńgimelesip, «Qunanbaı» fılmin tamashalaı alady. Kartına Abaıdyń ákesi týraly baıandaıdy. Qunanbaı bolys bıleýshisi bolǵan. Óziniń bılik etý ýaqytynda oǵan kúrdeli sheshim qabyldap, jerlester arasyndaǵy daýdy sheshýine týra kelgen.
Osy kúni saǵat 16.30-da Temirtaýda shyǵarmashylyq toppen kezdesý ótedi, sodan keıin munda «Elbasy joly» kınoepopeıasynyń jelisimen «Temirtaý: tarıhy, taǵdyry, ómirbaıany» atty kınokesh ótkiziledi.
8 aqpanda delegatsııa Qarqaraly aýdanyna barady. Onda «Núrken Ábdirov. Uldarymnyń eń kenjesi», «Qunanbaı» jáne aýdan tarıhy men onyń kórikti jerleri týraly «Qarqaraly» derekti fılmderi kórsetiledi.
Barlyq kınoseanstar tegin.
