Qaraǵandy oblysynda qaza tapqan polıtseıler qurmetine memorıaldyq taqta ashyldy
QARAǴANDY. QazAqparat - Qazaqstan polıtsııasy merekesi qarsańynda Qaraǵandy oblysy Shet aýdandyq polıtsııa bóliminiń aýlasynda qyzmet babynda qaza bolǵan qyzmetkerlerdiń qurmetine memorıaldyq taqta ashyldy. Bul jóninde oblystyq polıtsııa departamenti baspasóz qyzmetine silteme jasap QazAqparat habarlaıdy.
Igilikti is-sharaǵa aýdan ákimi Marat Jandáýletov, oblystyq polıtsııa departamenti bastyǵynyń birinshi orynbasary, polıtsııa polkovnıgi Qurmanǵalı Ysmaǵulov, aýdandyq polıtsııa bólimi basshylyǵy men jeke quramy jáne ishki ister organdarynyń ardagerleri qatysty.
Memorıaldyq taqtany aýdan ákimi Marat Jandáýletov pen oblystyq polıtsııa departamenti bastyǵynyń birinshi orynbasary Qurmanǵalı Ysmaǵulovqa ashty. Taqtany ashqan soń qaza bolǵan qyzmetkerlerdiń qurmetine gúl shoǵy qoıylyp, bir mınýttyq únsizdik jarııalandy. Aspanǵa úsh márte oq atyldy.
«Erlik pen batyldyq, erjúrektik - tártip saqshylarynyń boıynan tabylatyn qasıetter. Búgin biz erte ketken polıtsııa qyzmetkerlerine taǵzym etip, memorıaldyq taqtany ashyp otyrmyz. Bul úrdis keleshek urpaqqa úlgi bolary sózsiz», - dedi aýdan ákimi Marat Jandáýletov.
Aýdan ákiminen keıin sóz alǵan polıtsııa departamenti bastyǵynyń birinshi orynbasary Qurmanǵalı Ysmaǵulov:
«Qaza bolǵan qyzmetkerlerdiń qurmetine arnalǵan memorıaldyq taqta polıtsııa departamentine qarasty barlyq qala-aýdandyq ishki ister organdarynda ashylyp jatyr. Biz qylmyspen kúres jolynda erlikpen qaza tapqan áriptesterimizdi eshqashan umytpaımyz. Kerisinshe, olardyń jasaǵan erlikterin keıingi jastarǵa dáriptep, erligine bas ıemiz», - dep atap ótti.
Saltanatty shara barysynda polıtsııa ardagerleri de sóz alyp, osyndaı ilkimdi is-shara ótkizýge qolqabys etken aýdan ákimine jáne departament basshylyǵyna alǵys aıtty.
Polıtsııa polkovnıgi Qurmanǵalı Ysmaǵulov aýdandyq polıtsııa bóliminiń bastyǵy Erjan Orymbekovke departament basshylyǵynyń atynan eki qyzmettik «Nıva» avtokóliginiń kiltin tabys etti.
Іs-shara aýdandyq mádenıet úıinde jalǵasyp, aýdan ákimi qatarynan oza shapqan birqatar tártip saqshylaryn qurmet gramotasy jáne alǵys hattarmen marapattasa, departament bastyǵynyń birinshi orynbasary Qurmanǵalı Ysmaǵulov merekege oraı birneshe tártip saqshysyna Іshki ister mınıstri jáne oblystyq polıtsııa departamenti bastyǵynyń buıryǵymen marapattady.
Kesh sońy aýdandyq mádenıet úıi qyzmetkerleriniń uıymdastyrýymen daıyndalǵan kontserttik baǵdarlamamen aıaqtaldy.
