Qaraǵandy oblysynda «Qaýipsiz jol» sharasy ótip jatyr
QARAǴANDY. QazAqparat - Qaraǵandy oblysynda tamyzdyń 8-10 aralyǵynda «Qaýipsiz jol» respýblıkalyq jedel-aldyn alý sharasy (JAASh) ótkizilip jatyr. Bul kúnderi trassalarǵa ádettegiden kóbirek jol-patrýl polıtsııasynyń qyzmetkerleri shyǵady, dep habarlaıdy óńir basshysynyń baspasóz qyzmeti.
JAASh maqsaty - joldardaǵy apattylyq jaǵdaılaryn tómendetý. Erekshe nazar júk tasymaldaýshy jáne qoǵamdyq kólikterge aýdarylady. Jergilikti atqarýshy organdar jáne kóliktik uıymdardyń birlesken reıdteri ótedi dep josparlanýda.
ІІD aqparaty boıynsha, 7 aıda oblys joldarynda 256 jol apattary tirkelgen, onda 81 adam qaza taýyp, 341 adam jaraqat alǵan. Ótken jylǵy osyndaı merzimmen salystyrǵanda jol apattary 32,8%-ǵa tómendegen, al jábirlenýshiler sany 31,3%-ǵa kemigen. Degenmen, qaza bolǵandar 15,7%-ǵa ósip ketken.
Kóbinese jol apattary jeńil kólik júrgizýshileriniń kinásinen bolady. Negizgi sebepter jyldamdyq rejimin ustanbaý, ozyp ótý áreketin durys oryndamaý, qarama-qarsy jolaqqa shyǵyp ketý, kólikti mas kúıinde júrgizý bolyp otyr.
Qaraǵandy oblystyq ІІD Jergilikti polıtsııa qyzmeti jol qozǵalysyna qatysýshylardy ereje buzbaýǵa shaqyrady.
