Qaraǵandy oblysynda qatty jel aýrýhananyń shatyryn ushyryp áketti
ASTANA. QazAqparat - Qatty soqqan jel Qaraǵandy oblysyndaǵy aýrýhananyń shatyryn ushyryp áketti. Aqparatty «QazAqparat» HAA tilshisine QR ІІM TJ Komıtetiniń baspasóz qyzmetinde rastady.
Komıtettiń baspasóz qyzmetiniń habarlaýynsha, Shahtınsk qalasynda saǵat 14:50 shamasynda sekýndyna 19 metr jyldamdyqpen soqqan jeldiń saldarynan bes qabatty, aýmaǵy 450 sharshy metrlik ortalyq aýrýhana ǵımaratynyń shatyry ushyp ketken. Qutqarýshylardyń aqparatyna sáıkes, zardap shekkender men jaraqat alǵandar joq. Oqıǵa ornynda komıssııa jumys júrgizip jatyr.
Sonymen qatar, buǵan deıin habarlanǵanyndaı, dál osy kúni saǵat 15:09 shamasynda Qaraǵandyda qatty jel jalpy aýmaǵy 40 sharshy metrlik bes qabatty turǵyn úıdiń shatyryn ushyryp áketken. Zardap shekkender joq. Ol jerde de komıssııa jumys júrgizý ústinde.
