Qaraǵandy ​​oblysynda qarjy jymqyrdy degen kúdikpen qarttar úıiniń meńgerýshisi ustaldy

NUR-SULTAN. QazAqparat - Qarjylyq monıtorıng agenttiginiń Qaraǵandy​​ oblysy boıynsha departamenti qarttar úıi turǵyndarynyń zeınetaqy tólemderi men járdemaqylaryn urlaý faktisi boıynsha qylmystyq isti tergep jatyr.

Qarjylyq monıtorıng agenttiginiń habarlaýynsha, áleýmettik nysanda 90 adam qamqorlyqqa alynǵan, onyń 30-y - múgedek, 60-y - zeınetker.

Osy qylmysty jasady degen kúdikpen Qazaqstan Respýblıkasy Qylmystyq kodeksiniń 190-baby 3-bóliginiń 3-tarmaǵy boıynsha Qaraǵandy ​​oblysyndaǵy qarttar úıiniń meńgerýshisi jáne áleýmettik qyzmetkeri ustalyp, ýaqytsha ustaý ızolıatoryna qamaldy.

Qaraǵandy ​​oblystyq soty qarttar úıiniń basshysyna qatysty 2 aı merzimge qamaýǵa alý túrindegi bultartpaý sharasyn sanktsııalady.

«Tergeý jalǵasýda, tergeý múddesine qatysty basqa málimetter jarııa etilmeıdi»,-delingen habarlamada.