Qaraǵandy oblysynda qarjy pıramıdasynyń qyzmeti toqtatyldy
QARAǴANDY. QazAqparat – Qaraǵandy oblysynda qarjy pıramıdasy anyqtaldy, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.
«Aǵymdaǵy jyldyń aqpanynda QR QMA Qaraǵandy oblysy boıynsha Ekonomıkalyq tergeý departamenti qarjylyq pıramıda qyzmetiniń jolyn kesti. Tergeýdiń aldyn-ala nusqasy boıynsha, 2020 jyly uıymdastyrýshy salym somasynyń teńgemen 18% jáne ózge valıýtamen 6% mólsherinde jyl saıynǵy tabys alý shartymen 80 mıllıon teńgeden astam somaǵa jeke tulǵalardyń aqshalaı qarajatyn tartqan» delingen habarlamada.
Atalǵan fakti boıynsha QK-niń 217-babynyń 1-bóligi boıynsha sotqa deıingi tergeý bastalyp, jábirlenýshiler retinde 180-nen astam adam anyqtaldy.
