Qaraǵandy oblysynda qarjy pıramıdasyn uıymdastyrý faktisi anyqtaldy

QARAǴANDY. QazAqparat - Bıylǵy jyldyń 30 shildesinde QR Qarjy mınıstrligi Qarjy monıtorıngi komıtetiniń Qaraǵandy oblysy boıynsha Ekonomıkalyq tergeý departamenti qyzmetkerleri qarjy (ınvestıtsııalyq) pıramıdasyn uıymdastyrý faktisin anyqtady.

Bul týraly QazAqparat QR Qarjy mınıstrligi Qarjy monıtorıngi komıtetiniń baspasóz qyzmetine silteme jasap habarlaıdy.

«Qylmystyq shema azamattardyń tutyný kooperatıviniń aktıvterdi qaıta bólý arqyly jeke tulǵalardan aqsha tartý jáne keıbir qatysýshylardy basqalardyń jarnalary esebinen baıytýdy qarastyrady (kirý jarnasy - 180 myń teńge). Atalǵan fakti boıynsha QR QK 217 babynyń 1-b. sáıkes sotqa deıingi tergeý bastaldy»,-delingen habarlamada.