Qaraǵandy oblysynda kartop egiletin alqaptar artady
QARAǴANDY. QazAqparat - Qaraǵandy oblysy boıynsha kóktemgi egis jumystaryna daıyndyq bastaldy. Bıylǵy jyly dándi daqyldar, kókónis jáne mal azyqtyq shópter bir mıllıon gektardan astam jerge egiledi. Bul ótken jylmen salystyrǵanda 50 myń gektarǵa artyq, dep habarlaıdy QazAqparat tilshisi.
Osy kóktemde dándi jáne burshaqty daqyldar egiledi. Olar 895,5 myń gektar jerdi alady. Mal azyǵy 64,5 myń gektar, maıly daqyldar 28,1 myń, kartop 10,6 myń gektar jerge otyrǵyzylady. Bul ótken jylmen salystyrǵanda 300 gektarǵa kóp.
«Aldyn ala taldaý nátıjesi tuqymnyń sapasy jaqsy ekenin kórsetti. Tekserýge barlyǵy 86 myń tonna alyndy», - dedi Qaraǵandy oblysy Aýyl sharýashylyǵy basqarmasynyń basshysy Saǵynjan Apaqashev.
Egis alqaptary dándi daqyldardyń zııankesteri men aýrýlaryna qarsy arnaıy eritindilermen óńdeletin bolady. Buǵan respýblıkalyq bıýdjetten qarajat bólingen.
Bıyl óńirde tyńaıtqysh pen sýarmaly jerlerdiń kólemin ulǵaıtý josparlanýda. Sondaı-aq naqty egin sharýashylyǵyn damytý jalǵasady.
Kóktemgi egis jumystaryn júrgizýge 10 myńnan astam traktor, 193 egis kesheni jáne 6 myńnan astam tuqym sepkish jumyldyrylady.
