Qaraǵandy oblysynda «Qarqaraly ýezdik mılıtsııasynyń» 100 jyldyǵy atalyp ótti
Slettiń jumysyna jas qyzmetkerlerden basqa, óz ómirin ishki ister organdaryndaǵy qyzmetke arnaǵan, óz isiniń kásibı mamandarynyń birneshe býynyn tárbıelegen, qazir de qylmysqa qarsy kúres jáne eldegi qoǵamdyq tártipti qamtamasyz etý isine laıyqty úles qosýdy jalǵastyryp júrgen olardyń úzdik tálimgerleri, ishki ister organdarynyń ardagerleri de qatysty.
«Atalǵan is-sharanyń basty maqsaty-ishki ister organdary qyzmetkerleriniń aldynda turǵan mindetterdi jas quramǵa jetkizý, qyzmetin jańa bastaǵan polıtseılerdiń moraldyq qasıetterin shyńdaý, qazaqstandyq polıtsııa qyzmetkerleriniń ımıdjin kóterý bolyp tabylady. Qazirgi urpaq, ásirese jastar tarıhymyzdy bilýi jáne este saqtaýy tıis. Osyǵan baılanysty biz oblystyq sletpen birge «Qarqaraly ýezdik mılıtsııasynyń 100 jyldyǵyn» ótkizý jóninde sheshim qabyldadyq»,-dep atap ótti Qaraǵandy oblysy PD bastyǵynyń orynbasary polıtsııa polkovnıgi Qaıyrken Álıev.
100 jyldyq mereıtoı aıasynda aýqymdy sharalar uıymdastyryldy. Jergilikti turǵyndar, barlyq ardagerler, Qarqaraly aýdany polıtsııa bóliminde ár jyldary jumys istegen polıtseıler men olardyń jetekshileri jáne Departament basshylyǵy Qarqaraly qalasynyń ortalyq saıabaǵynda jınalyp, qaza bolǵan polıtsııa qyzmetkerlerin eske alý memorıalyn ashty.
Eskertkishti ashý qurmetine polıtsııa polkovnıgi Qaıyrken Álıev, Qarqaraly aýdany ákiminiń orynbasary Berik Toqmýrzın jáne QR ІІM ishki ister organdar jáne UQ ardagerler keńesiniń tóraǵasy mılıtsııa general-maıory Ómirzaq Bolsambekov ıe boldy. Ardagerler men jınalǵandar beıbit ýaqytta qazaqstandyqtardyń tynyshtyǵy men qaýipsizdigi úshin ómirin qıǵan áriptesterin eske aldy.
Memorıal ashylǵannan keıin slettiń barlyq qatysýshylary balalar úıiniń tárbıelenýshileri demalatyn «Jas dáýren» lagerine baryp, polıtsııa basshylyǵynyń atynan balalarǵa tátti syılyqtar batys etti.
«Biz Sizderge, balalar, Otanymyzdyń naǵyz patrıoty bolýdy jáne bolashaqtaryńyz jarqyn bolýyn tileımiz», - dep atap ótti mılıtsııa general-maıory Ómirzaq Bolsambekov.
Sondaı-aq, bul kúni Qarqaraly aýdany PB-niń jaýyngerlik jáne eńbek dańqy murajaıynyń ashylý saltanaty ótti. Murajaı jádigerleri aýdannyń túpkir-túpkirinen jınalǵan, sonymen qatar negizgi bóligi Semeı qalasynan ákelingen. Sebebi Qarqaraly ýezdik mılıtsııasyn qurý kezinde ol Semeı gýbernııasyna qaraǵan. ІІO jáne QR ІІM UU ardagerler keńesiniń tóraǵasy Ómirzaq Qospanuly Jergilikti polıtsııa bóliminiń bastyǵy Bekbolat Zeıtovke osy ólkede týǵan mılıtsııa general-maıory Murat Qurmanovqa burysh ashýdy usyndy.
Sletke qatysýshylar Qarqaraly qalasynyń Mádenıet úıinde is-sharanyń plenarlyq bóligin ótkizdi. Onda jas urpaqty tárbıeleýge belsendi úles qosqan úzdik qyzmetkerler men ardagerler ІІM sımvolıkasy bar qol saǵattarmen, qurmet gramotalarymen jáne alǵys hattarmen, sondaı-aq «Qarqaraly ýezdik mılıtsııasynyń 100 jyldyǵy» mereıtoılyq medaldarymen marapattaldy.
Oblystyq slet sońynda qonaqtarǵa «Kókpar», «Teńge alý» jáne «Aýdaryspaq» sııaqty ulttyq sport túrleri kórsetildi. Іs-shara gala-kontsertke ulasty. Baǵdarlama sońynda merekelik otshashý boldy.
