Qaraǵandy oblysynda Qarqaraly qalasynyń turǵynynan 30 kelige jýyq marıhýana alyndy
QARAǴANDY. 5 qazan. QazAqparat - Qaraǵandy oblysynyń Qarqaraly qalasynda buǵan deıin isti bolǵan azamattan 30 kelige jýyq marıhýana tárkilendi, dep habarlandy oblystyq ІІD-niń baspasóz qyzmetinen.
«Kóknár-2012» shuǵyl-aldyn alý is-sharasynyń barysynda Qarqaraly qalalyq ІІB-niń qyzmetkerleri buǵan deıin isti bolǵan azamattyń baqsha mańy ýchaskesinde 16 keliden astam salmaq tartatyn qarasoranyń 24 butasyn anyqtap, tárkiledi. Odan ári onyń úıiniń shatyryn tekserý barysynda taǵy 10 keli keptirilgen marıhýana tabyldy», - delingen oblystyq ІІD baspasóz qyzmetiniń taratqan habarlamasynda.
Bul fakti boıynsha QR QK-niń 262-baby, 2-bólimimen qylmystyq is qozǵaldy. «Bul qylmys úshin 3 jyldan 8 jylǵa deıin bas bostandyǵynan aıyrý jazasy qarastyryldy», - dep eskertti polıtsııa.
