Qaraǵandy oblysynda qaraýsyz qalǵan munaı bazasynan órt shyqty

ASTANA. QazAqparat - 1,5 ga aýmaqtaǵy shóp jáne 50 sharshy metrge tógilgen munaı ónimi órtendi, dep habarlaıdy QazAqparat ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.

Oqıǵa 6 maýsym kúni saǵat 13-20-da Osakarov aýdany, Saryózek aýyldyq okrýginde, Shoqaı stansasynan soltústik-shyǵysqa qaraı ornalasqan jumys istemeıtin munaı bazasynyń aýmaǵynda bolǵan.

«1,5 ga jerde qýraǵan shóp men 50 sharshy metr aýmaqqa tógilgen munaı ónimi, toǵyz metall ydystardaǵy bıtýmnyń qaldyqtary (50 tekshe metr) órtengen. Órt 15-10-da aýyzdyqtalyp, 16-03-te túgeldeı sóndirildi. Zardap shekkender joq», - dedi R.Imanqulov.

TJ departamentiniń, jergilikti ákimdiktiń, «QTJ» ulttyq kompanııasynyń órt sóndirgish poıyzy jáne eriktiler jumyldyrylǵan.