Qaraǵandy oblysynda karantınge qatysty birqatar shekteý alynady
Qaraǵandy oblysynyń Bas memlekettik sanıtarııalyq dárigeriniń jańa qaýlysy jarııalandy. Qujatta ó ńir «jasyl aımaqta» qalǵan jaǵdaıda kelesideı shekteýler alynatyny kórsetilgen:
- jumys ýaqytyn shekteý tolyǵymen alynyp tastalady, onyń ishinde jeksenbi kúnderi kelesi qyzmetterdi qaıta bastaýǵa ruqsat etiledi:
- SPA-ortalyq, saýna, monsha jáne massaj salondary,
- jabyq azyq-túlik jáne azyq-túlik emes bazarlar,
- saýda-oıyn-saýyq ortalyqtary, saýda úıleri, 2 000 sharshy metrden astam saýda jelileri,
- akvaparkter qyzmeti qaıta jandanady;
- senbi jáne jeksenbi kúnderi qalaaralyq oblysishilik turaqty jolaýshylar qatynas tasymalynyń qozǵalysy qaıta bastalady:
- Qaraǵandy-Temirtaý-Qaraǵandy;
- Qaraǵandy-Saran-Qaraǵandy;
- Qaraǵandy-Shahtınsk-Qaraǵandy;
- Qaraǵandy-Abaı-Qaraǵandy;
- Qaraǵandy-Shahan-Qaraǵandy;
- Qaraǵandy-Topar-Qaraǵandy.
- ekinshi deńgeıli bankter, poshta bólimsheleri, Halyqqa qyzmet kórsetý ortalyqtary, advokat jáne notarıat keńseler, jeke sot oryndaýshylary, zań kómegin kórsetetin jáne konsýltatsııa beretin obektiler, lombard, aıyrbastaý pýnkti, jyljymaıtyn múlik operatsııasy jónindegi kompanııalar, jarnama agenttikteri, tıpografııa, mıkroqarjy jáne mıkrokredıttik uıym, saqtandyrý kompanııasy, múlikti baǵalaý jónindegi obektiler, aýdıtorlyq obektiler, aqparattyq-kommýnıkatsııalyq tehnologııa kompanııalary, bıznes ortalyqtardyń, ıaǵnı qyzmet kórsetý salasyndaǵy sýbektilerdiń jumys rejımine qoıylatyn shekteýler alynady;
- memlekettik organdardyń (uıymdardyń, kásiporyndardyń), kvazımemlekettik sektor organdarynyń, ulttyq kompanııalardyń, ózge de uıymdardyń, sondaı-aq kásipkerlik sýbektileriniń basshylaryna qashyqtan jumys isteıtin nysandaǵy qyzmetkerlerdiń sanyn 60%-dan 50%-ǵa deıin azaıtýǵa ruqsat etiledi (shtat kestesinde 15 jáne odan da kóp qyzmetker bolǵan jaǵdaıda);
- dinı mekemelerge, atap aıtqanda meshit, shirkeý, hram, sobor, ǵıbadat úılerine jáne basqalarǵa dinı mekemelerde ujymdyq qudaıǵa qulshylyq etýge jáne meshitterde namaz oqýǵa (bes namaz), tolymdylyǵy 30%-ǵa deıin, sondaı-aq «juma namazyn» tek aýyldyq jerlerde, qýattylyǵy 150 adamǵa deıin, meshitterde 25%-dan aspaıtyn kólemde ótkizýge ruqsat etiledi;
- mádenıet obektilerine (teatrlar, kitaphanalar, murajaılar) jáne kınoteatrlarǵa tolýdy 20-dan 30% - ǵa deıin arttyrýǵa, al repetıtsııalardaǵy adamdardyń eń kóp sanyn 30-dan 50 adamǵa deıin ulǵaıtýǵa ruqsat etiledi.
Budan basqa, jappaı, sondaı-aq otbasylyq, estelik jáne ózge de is-sharalardy, onyń ishinde úıde, adamdar kóp jınalatyn is-sharalardy uıymdastyrýǵa jáne ótkizýge tyıym salynady.
Turǵyndarǵa: qyzmeti qaıta bastalmaǵan obektilerge (bılıard, karaoke, boýlıng ortalyq, batýt, kompıýter klýbtary, túngi klýb, býkmekerlik keńseler jáne oıyn klýbtaryna) barýǵa, sondaı-aq olardyń jumys rejımine sáıkes jabylǵannan keıin obektilerde bolýǵa tyıym salynady.