Qaraǵandy oblysynda karantındik sharalar kúsheıtilýde
QARAǴANDY. QazAqparat - Qaraǵandy oblysynda 5 shildede saǵat 00.00-den bastap eki aptaǵa karantın sharalary kúsheıtilýde: sulýlyq salondarynyń, shashtarazdardyń, saýda úıleri men ortalyqtardyń, olarda ornalasqan dárihanalar men azyq-túlik sýpermarketterinen basqalaryna jumys isteýge tyıym salynady, dep habarlaıdy QazAqparat tilshisi.
Sondaı-aq, sanıtarlyq-dezınfektsııalyq rejımdi kúsheıte otyryp, Qaraǵandy - Temirtaý, Qaraǵandy - Abaı, Qaraǵandy - Shahtınsk, Qaraǵandy-Saran, Jezqazǵan-Sátbaev qatynastaryn qospaǵanda, qalaaralyq oblysishilik jolaýshylar tasymaly toqtatylady. Qazaqstan óńirleri arasynda avıa jáne temirjol qatynasy jumys isteıdi.
Qoǵamdyq qalalyq kólik burynǵysynsha saǵat 06.00 - den 21.00-ge deıin júredi. Jolaýshylar úshin qaýipsizdik sharalary: maskalardy mindetti túrde alyp júrý, antıseptıkterdi paıdalaný talap etiledi.
Jeke kóliktiń barlyq túrlerine 23.00-den 05.00-ge deıin júrip-turýǵa tyıym salynady.
Saıajaı turǵyndaryna qajetti qaýipsizdik sharalaryn saqtaı otyryp, baý-baqsha ýchaskelerine shyǵýǵa ruqsat berildi.
Azyq-túlik sýpermarketteri men dárihanalardan basqa saýda-oıyn-saýyq ortalyqtarynyń, saýda úıleriniń, saýda jelileriniń jumysyna tyıym salyndy.
Sondaı-aq jabyq azyq-túlik jáne azyq-túlik emes bazarlar jumys istemeıdi. Aýdany 500 m2-den astam ónerkásiptik taýarlar dúkenderi 5 shildeden bastap taýarlaryn jetkizý arqyly ǵana jumys isteıdi.
Balalardy saýyqtyrý lagerleriniń, mektepke deıingi mekemelerdiń, balalardyń túzetý kabınetteriniń, bilim berý ortalyqtarynyń, balalardy damytý ortalyqtarynyń, úıirmelerdiń, balalar men eresekterge arnalǵan kýrstardyń qyzmetine tyıym salynady.
Eki aptaǵa SPA-ortalyqtar, jattyǵý zaldary, fıtnes jáne sporttyq-saýyqtyrý ortalyqtary, qoǵamdyq monshalar, saýnalar, sulýlyq salondary, shashtarazdar, kosmetologııalyq ortalyqtar men salondar, manıkıýr jáne pedıkıýr qyzmetterin kórsetetin nysandar jabylady. Basseınder, akvaparktar qyzmetine burynǵysynsha tyıym salynǵan. Qalalyq jáne qoǵamdyq jaǵajaılar jumys istemeıdi.
Barlyq oıyn-saýyq mekemeleri (karaoke, bılıard, boýlıng-ortalyqtar, kompıýterlik klýbtar jáne basqalar) jumys istemeıdi.
Dinı obektilerdiń (meshitter, shirkeýler, soborlar, sınagogalar jáne basqalar) jumysy toqtatylady.
Barlyq buqaralyq is-sharalardy, sonyń ishinde otbasylyq, úıde eske alý is-sharalardy ótkizýge tyıym salynady.
Kelesi qyzmetterge ruqsat etiledi:
- Aldyn ala jazylý boıynsha medıtsınalyq ortalyqtar;
- dárihanalar, barlyq azyq-túlik dúkenderin, ashyq azyq-túlik jáne azyq-túlik emes bazarlardy qospaǵanda, kúsheıtilgen sanıtarlyq-dezınfektsııalyq rejımdi saqtaı otyryp;
- sanıtarlyq-dezınfektsııalyq tártipti saqtaı otyryp, ujymdyq is-sharalardy ótkizbeı, zalda kelýshiler sanyn 30 adamnan asyrmaı ornalastyra otyryp, ashyq aýada jáne úı-jaılarda (saýda úıleri men ortalyqtarda, bıznes-ortalyqtarda, ákimshilik ǵımarattarda, bazarlarda, sondaı-aq dúńgirshekterde, doner jáne t.b. ornalasqandardan basqa) qoǵamdyq tamaqtaný obektileri. Jumys ýaqyty - 08.00-22.00;
- sanıtarlyq-dezınfektsııalyq rejımdi kúsheıtip jáne ýaqyt boıynsha shekteý ornatatyn ekinshi deńgeıdegi bankterge;
-kúsheıtilgen sanıtarııalyq-dezınfektsııalyq rejımdi saqtaı otyryp, ýaqyt boıynsha shekteýmen jáne onlaın-formatta barynsha qyzmet kórsetýmen poshta qyzmetine;
-Kúsheıtilgen sanıtarııalyq-dezınfektsııalyq rejımdi saqtaı otyryp jáne qyzmet túrlerin barynsha onlaın-formatta kórsete otyryp, ýaqyt boıynsha 09.00-den 14.00-ge deıin shekteý qoıyp HQKO qyzmet etýine;
- Bıznes-ortalyqtar, advokattyq, notarıaldyq, konsaltıngtik keńseler, sot oryndaýshylary, jyljymaıtyn múlik jónindegi agenttikter jáne jarnamalyq, baspahanalar, býkmekerlik keńseler, aıyrbastaý pýnktteri, mıkroqarjylyq jáne mıkronesıelik uıymdar, saqtandyrý kompanııalary, lombardtar jáne t. b.;
- úzdiksiz óndiristik tsıkli bar ónerkásiptik kásiporyndar;
-halyqqa baılanyssyz qyzmet kórsetý jónindegi obektilerdi (avtomobıl jýý, avtomobılderdi, turmystyq tehnıkany jóndeý, kir jýý, hımııalyq tazalaý jáne basqalar) ýaqyty boıynsha shekteýmen jáne kúsheıtilgen sanıtarııalyq-dezınfektsııalyq rejımdi saqtaı otyryp;
- sanıtarlyq jáne dezınfektsııalyq sharalardy kúsheıte otyryp, demalys úıleri men aımaqtary, sanatorııler men profılaktorııler (jaǵajaılar jumys istemeıdi).
Sondaı-aq, sanıtarlyq-dezınfektsııalyq tártipti saqtaı otyryp, ashyq aýada qurylys jumystaryna, aýyl jáne balyq sharýashylyǵy, mal sharýashylyǵy salasyndaǵy qyzmetke ruqsat etilgen.
Aımaq turǵyndaryna saıabaqtar men gúlzarlarda, jaǵalaýlarda jáne basqa da demalys oryndarynda oıyn-saýyq obektilerinsiz bir otbasy múshelerinen basqa úsh adamnan aspaıtyn toptarmen, áleýmettik qashyqtyqty saqtaı otyryp serýendeýge bolady.
Ashyq aýada jeke jattyǵýlarǵa da ruqsat etiledi.
Kámeletke tolmaǵandar úıden tys jerde tek eresektermen birge bolýy tıis.
65 jastan asqan adamdarǵa qajetsiz dalaǵa shyqpaýǵa keńes beriledi.
Oblys turǵyndary engizilgen shekteýlerdi saqtaýyn qadaǵalaý úshin baǵbandyq birlestikter, saıabaqtar, gúlzarlar jáne t. b. táýlik boıy patrýldeıtin bolady.
