Qaraǵandy oblysynda karantın talaptary ózgerdi

QARAǴANDY. QazAqparat - Qaraǵandy oblysy koronavırýstyń taralýy boıynsha jasyl aımaqta ornalasqan. Osyǵan baılanysty oblystyń bas memlekettik sanıtarlyq dárigeri jańa qaýlyǵa qol qoıdy, dep habarlaıdy QazAqparat tilshisi.

Jańa qaýlyǵa sáıkes, saýda nysandarynda balalar oıyn alańdary men attraktsıondarǵa áli de tyıym salynǵan.

Saýda nysandarynda (saýda-oıyn-saýyq ortalyqtary, jabyq azyq-túlik jáne azyq-túlik emes bazarlar, saýda úıleri) áleýmettik qashyqtyqty, maska jáne kúsheıtilgen sanıtarııalyq-dezınfektsııalyq rejımdi saqtaý mindetti. Kireberiste ár kelýshige termometrııa júrgizilýi kerek.

Fýd-korttar tek tamaqty ózimen birge alyp ketý jáne jetkizý boıynsha ǵana jumys isteı alady. Bul nysandardyń qyzmeti jumys jáne demalys kúnderi - 24.00-ge deıin, mereke kúnderi-17.00-ge deıin jalǵasady.

12 jeltoqsan saǵat 00:00-den bastap demalys jáne mereke kúnderi saýda nysandarynyń (saýda-oıyn-saýyq ortalyqtary, jabyq azyq-túlik jáne azyq-túlik emes bazarlar, saýda úıleri) 17.00-ge deıin jumys isteýine ruqsat etiledi. Bul ýaqyt shekteýleri azyq-túlik sýpermarketteri men olardaǵy dárihanalarǵa qatysty emes.