Qaraǵandy oblysynda karantın sharalary jeńildetildi
QARAǴANDY. QazAqparat - QR Prezıdenti Qasym-Jomart Toqaevtyń málimdemesinen soń Qaraǵandy oblysynda karantındik rejımdi jeńildetildi. Temirtaýda erekshe jaǵdaı saqtalýda, karantındik sharalar sanyn ishinara tómendetý josparlanyp otyr. Bul týraly Taýarlar men qyzmetterdiń sapasy jáne qaýipsizdigin baqylaý departamentiniń basshysy Qanat Asqarov málimdedi, dep habarlaıdy QazAqparat tilshisi.
Metallýrgter qalasynda qatań sanıtarlyq normalardy saqtaı otyryp, tek qurylys nysandary, TQS, shınamontajdaý, kólik jýý oryndaryna ǵana jumys isteýge ruqsat etilgen.
Qaraǵandy oblysynyń basqa qalalary men aýdandaryna keletin bolsaq, jeńildikter turǵyndarǵa saıajaı ýchaskelerine shyǵýǵa múmkindik beredi, qoǵamdyq kólik jumysyn bastaıdy, ónerkásiptik kásiporyndardyń, sondaı-aq birqatar qyzmet kórsetý nysandarynyń qyzmetine ruqsat beredi.
Mysaly, turǵyndarǵa kelesideı áreketterge ruqsat etiledi:
- sanıtarlyq-epıdemıologııalyq normalardy saqtaı otyryp, saǵat 05.00-den 22.00-ge deıin adamdar kóp jınalmaı, aýla mańy aýmaǵynda jaıaý serýendeýge (qol alysyp amandaspaý, keminde eki metr qashyqtyqty saqtaý, mindetti túrde betperde kııý jáne antıseptıkti paıdalaný);
- saıajaı ýchaskelerine barý, 5 adamnan artyq bolmaıdy (óz balalarymen, týysqandarymen);
- Temirtaýdan basqa, oblystyń barlyq aýmaǵynda jekemashınalarda ruqsat etilgen qyzmet túrleri boıynsha júrýge bolady. 22.00-den 05.00-ge deıin júrýge tyıym salynady.
Temirtaýda jeńil avtokólikte tańerteń, saǵat 05.00-den 10.00-ge deıin jáne keshkisaǵat 17.00-den 22.00-ge deıin, úıden jumysqa deıin jáne keri qaraı ruqsat etilgen qyzmet túrleri boıynsha uıymdar men kásiporyndardyń qyzmetkerlerine júrýge bolady.
Qoǵamdyq kólik qala ishinde tańerteń saǵat 07.00-den 10.00-ge deıin jáne keshke saǵat 17.00-den 20.00-ge deıin jumys isteıtin bolady.
Kelesi uıymdarǵa jumys isteýge ruqsat etilgen:
Advokat keńseleri, notarıýstar, TQS, shına montaj sheberhanalary, kólik jýý oryndary, ekinshi deńgeıli bankter, HQKO.
Aýylsharýashylyq tehnıkasyn, jabdyqtardy kóterme saýdamen satý qaıta iske qosyldy. Sondaı-aq tuqym, kóshetter jáne basqa da kóshet materıaldaryn satý jónindegi mamandandyrylǵan dúkenderge jáne bólimderge jumys isteýge ruqsat etilgen.
Saýda núktelerine tek jetkizý rejıminde turmystyq tehnıka men elektr jabdyqtaryn, janýarlarǵa arnalǵan taýarlardy, turmystyq hımııany, qosalqy bólshekter men shyǵyn materıaldaryn satýǵa ruqsat etilgen.
Bas sanıtarlyq dárigerdiń aıtýynsha, jumysty jańartatyn barlyq kásiporyndar sanıtarlyq-epıdemıologııalyq talaptardy qatań saqtaı otyryp, qatań túrde aldyn ala jazylýmen ǵana qyzmet kórsetýi tıis.
14 jasqa deıingi balalardyń eresektersiz júrýine tyıym salý áli de qala beredi. Otbasy múshelerin qospaǵanda, adamdardyń (5 adamnan astam) jınalýyna, saıabaqtar men gúlzarlar aýmaǵynda serýendeýge tyıym salynady (tyıym salynǵan qyzmet túrleriniń tolyq tizbesi №16 qaýlyda kórsetilgen).
Tótenshe jaǵdaı kezinde qoǵamdyq qaýipsizdikti jáne karantındik rejımdi qamtamasyz etý maqsatynda QanatAsqarov pravoslavtardyń kóktemgi dástúri boıynsha zıratqa barmaýdy usyndy.
«Osy jeńildikterge túsinistikpen qaraýdy suraımyn: qyraǵylyqty joǵaltýdyń qajeti joq: juqtyrý qaýpi áli de joǵary. Qazirgi epıdemıologııalyq jaǵdaıda qaýipsizdiktiń negizgi sharty áleýmettik qashyqtyqty, oblystyń árbir turǵynynyń jeke gıgıena erejelerin qatań saqtaýy, sondaı-aq jumys istep turǵan obektilerde dezınfektsııalyq rejımdi saqtaý mańyzdy bolyp qalatynyn este saqtańyzdar. Karantındik rejımniń oryndalýyn baqylaý sharalary jalǵasatyn bolady», - dedi vedomstvo basshysy.
Qaraǵandy oblysynyń bas memlekettik sanıtarlyq dárigeriniń №12, 13, 14, 15 qaýlysynyń kúshi joıyldy.
