Qaraǵandy oblysynda qar jaýdy

Sınoptıkterdiń aıtýynsha, bul aýa-raıy qubylysy osyǵan deıin boljanǵan. Qaraǵandy oblysynyń kóptegen óńirlerinde temperatýranyń tómendeýi, Aqtoǵaı aýdanynyń ońtústiginde jaýyn-shashyn bolatyny boljandy. Antıtsıklondardyń yqpalymen jaýyn jaýyp, arty qarǵa ulasty.

«Bul antıtsıklon bizge soltústik-batystan keldi. Jaýyn-shashyn ońtústikten tsıklon túrinde keldi. Jyly jáne sýyq aýanyń aralasýy kezinde kontrast paıda bolyp, qar jaýdy», - dep túsindirdi «Qazgıdromet» meteorologııalyq boljaý bóliminiń bastyǵy Anastasııa Grıaznova.

Sınoptıkterdiń aıtýynsha, 28 sáýirge deıin oblystyń soltústiginde túnde aýa temperatýrasy tómen bolady.

«Qazirgi ýaqytta aýdannyń ońtústik-shyǵysynda qar jaýyp jatyr. Dál osy ýaqytta Aqadyr, Aqshataý, Aqjal, Moıynty, Kıikti, Bosaǵa, Ortaý kentterinde aq ulpa jaýyp tur. Aýdan boıynsha jaǵdaı turaqty», - dedi Shet aýdany ákimi apparatynyń bas mamany Oljas Tóleýbaev.