Qaraǵandy oblysynda qar qursaýynda qalǵan adamdar qutqaryldy
QARAǴANDY. QazAqparat - Ótken táýlikte Qaraǵandy oblysynyń aýmaǵynda qar qursaýynda qalǵan avtojoldarda birneshe qutqarý jumystary júrgizildi, dep habarlaıdy Qaraǵandy oblystyq Tótenshe jaǵdaılar departamentiniń baspasóz qyzmeti.
Baspasóz málimetterine qaraǵanda, 20 aqpan kúni saǵat 22:20-da Qaraǵandy qalasynda JEO-3 aýdanynda joldyń tazartylǵan ýchaskesine qar qursaýynan 3 avtokólik shyǵaryldy, 6 adam qutqaryldy.
21 aqpanda saǵat 04:11-de Jandarbekov kóshesi boıyndaǵy joldyń tazartylǵan ýchaskesinde qardan «Gazel» markaly avtokóligi shyǵaryldy.
Saǵat 05:21-de Qarqaraly aýdanynda jergilikti mańyzy bar «Baqty - Búrkitti» avtojolynda buzylǵan avtokólikten 2 adam qaýipsiz jerge kóshirildi. Adamdar Qarqaraly qalasyna jetkizildi, olar medıtsınalyq kómekke muqtaj emes.
Saǵat 05:35 - te Osakarov aýdanynda oblystyq mańyzy bar «Kıevka-Osakarovka» avtojolynyń 78 shaqyrymynda qalyń qarda qalyp qoıǵan avtokólikten Osakarovka kentine 2 adam evakýatsııalandy. Sondaı-aq joldyń tazartylǵan ýchaskesinde 5 adam bolǵan 2 jeńil avtokólik shyǵaryldy, olar medıtsınalyq kómekke muqtaj emes.
Qutqarýshylar aýa raıy kúrdeli kezde múmkindiginshe jolǵa shyqpaý qajettigin eskertedi.
