Qaraǵandy oblysynda qar qursaýynda qalǵan 90-ǵa jýyq adam qutqaryldy
QARAǴANDY. QazAqparat – Qaraǵandy oblysynyń avtojoldarynda qutqarý operatsııalary júrgizildi. Osakarov, Buqar jyraý, Jańaarqa, Abaı aýdandary jáne Qaraǵandy men Temirtaý qalalaryndaǵy joldarda qar qursaýynda qalyp qoıǵan 87 adam qutqaryldy, dep habarlaıdy QazAqparat tilshisi.
11 naýryzda Qaraǵandy oblysynyń TJD qutqarýshylary QR TJM 52859 áskerı bóliminiń kúshterimen birlesip Osakarov, Buqar jyraý, Jańaarqa, Abaı aýdandarynyń, sondaı-aq Qaraǵandy jáne Temirtaý qalalarynyń qar basqan trassalarynan adamdardy evakýatsııalaý boıynsha jumystar júrgizdi. Ótkizilgen is-sharalarmen 87 adam qutqaryldy jáne evakýatsııalandy.
Osakarov aýdanynda «Osakarovka-Nura» avtojolynyń 19 shaqyrymynda 3 avtomobıl tazartylǵan jol shyǵaryldy, olardyń salondarynda 9 adam bolǵan. «Qyzylorda-
Pavlodar» avtojolynda tehnıkalyq aqaýly avtokólikte qalǵan 5 adam Molodejnyı kentine jetkizildi.
Buqar jyraý aýdanynda tehnıkalyq aqaýy bar jeńil avtokólikten 5 adam, Jańaarqa jáne Abaı aýdandarynda qar qursaýynda qalyp qoıǵan avtomobılderden 5 adam qutqaryldy.
«Qaraǵandy-Temirtaý» avtojolynda kepteliste toqtap qalǵan jeńil jáne qoǵamdyq kólikterden 54 adam Temirtaý qalasyna jetkizildi.
Sondaı-aq, qutqarý jumystary «Qaraǵandy qalasyna kireberis» jáne «Suryptaý-Prıshahtınsk» avtojoldarynyń ýchaskelerinde de júrgizildi.
Avarııalyq-qutqarý jumystaryna jeke quramnan 35 adam jáne 13 tehnıka jumyldyryldy.
