Qaraǵandy oblysynda qar qursaýynda qalǵan 79 adam qutqaryldy
QARAǴANDY. QazAqparat – Qaraǵandy oblysynda jolda qalǵan 79 adam, onyń ishinde 7 bala qutqaryldy, dep habarlaıdy QazAqparat tilshisi.
Qutqarý jumystarynyń biri Temirtaý qalasynda «Almaty-Ekaterınbýrg» avtojolynda júrgizildi. 52859 áskerı bóliminiń kúshimen qar qursaýynda qalǵan avtokólikterden 17 adam qutqaryldy. Adamdar Temirtaý jáne Qaraǵandy qalalaryna jetkizildi.
Temirtaýda «Almaty-Ekaterınbýrg» avtojoly ýchaskesiniń 1060 shaqyrymynda TJD kúshimen tehnıkalyq aqaýy bar avtokólikten er adam qutqarylyp, qalaǵa jetkizildi.
Taǵy bir qutqarý jumysy Shet aýdanynda júrgizildi. Qyzylqoı aýyly mańynda «Almaty-Ekaterınbýrg» avtojolynda qar qursaýynda toqtap qalǵan jedel medıtsınalyq járdem avtomobıli men jeńil avtokólikten 9 adam qutqaryldy.
Temirtaý qalasynda qutqarýshylar tehnıkalyq aqaýy bar jeńil avtkólikte qalǵan 2 adamdy qalaǵa jetkizdi.
Sonymen qatar, Buhar Jyraý aýdanynda «Qaraǵandy-Aıagóz-Buǵaz» avtojolynyń 52-shi shaqyrymynda, Botaqara kentinen 5 shaqyrym jerde TJD kúshimen qar qursaýynda qalǵan avtokólikterden 37 adam, onyń ishinde 2 bala qutqaryldy. Qutqarylǵandar Qaraǵandy qalasyna jetýine kómektesti.
Osakarov aýdanynda, «Qyzylorda-Pavlodar» a/j 1124 km, Molodejnyı kentinen 55 km jerde tehnıkalyq aqaýy bar júk avtokóliginen 4 adam qutqaryldy, olar Molodejnyı kentine jetkizildi.
Buqar Jyraý aýdanynyń Toǵyzqudyq aýylynan 9 shaqyrym jáne Doskeı aýylynan 10 shaqyrym jerde TJD kúshimen 9 adam qutqaryldy. Olardyń eshqaısysy medıtsınalyq kómekke qajet bolmady.
