Qaraǵandy oblysynda qar basqan 6 joldy tazartyp jatyr
QARAǴANDY. QazAqparat – Qaraǵandy oblysynyń qutqarýshylary óńirdegi joldarda avtokólikterdi qar qursaýynan shyǵarý jáne adamdardy qutqarý jumystaryn jalǵastyrýda. Qazirgi ýaqytta óńirde 6 baǵyt boıynsha joldar jabyq, dep habarlaıdy QazAqparat tilshisi.
Búgin Qaraǵandy oblysy aýmaǵyndaǵy aýa raıy turaqtaldy. Tańerteńnen bastap 3 baǵytta qozǵalys ashyldy. Alaıda, respýblıkalyq mańyzy bar joldardyń 6 baǵyty boıynsha áli de jol jabyq, sebebi atalmysh ýchaskilerde qarqyndy túrde qar tazalaý jumystary júrip jatyr.
Aǵymdaǵy jyldyń 18-19 aqpany aralyǵynda óńir joldarynda 215 adam qutqaryldy, onyń ishinde 95 adam jylytý pýnktterine ornalastyryldy. Qutqarý jumystaryna 64 adam men 20 arnaıy tehnıka jumyldyryldy.
Qazirgi ýaqytta joldardy 224 tehnıka men 295 adam tazalaýda.
Jedel shtab jumysy jalǵasyp jatyr, jaǵdaı oblys jáne TJD basshylyǵynyń baqylaýynda.
