Qaraǵandy oblysynda qańtar aıynda 57 myń sharshy metr baspana tapsyryldy
Osy jyldyń birinshi aıynda aımaqta 10.3 myń sharshy metr jeke turǵyn úı jáne 34,4 myń sharshy metr kommertsııalyq turǵyn úı paıdalanýǵa berildi. Taǵy 13 myń sharshy metr memlekettik sektordaǵy turǵyn úıge tıesili.
«Bıyl qurylys jumystarynyń kútiletin kólemi 5 mlrd teńge. Bul kórsetkishterge biz «Nurly jol», «Nurly jer» memlekettik baǵdarlamasyn júzege asyrý jáne «Óńirlerdi damytý-2020» baǵdarlamasy esebinen qol jetkizemiz. Bıylǵy jyly Sátbaev qalasynda 5 bes qabatty turǵyn úı qurylysy, oblystyq mańyzy bar avtojoldardy qaıta jańartý, joldardy kúrdeli jáne ortasha jóndeý, Keshendi quıma zaýytynyń, patrondyq zaýyttyń qurylysy jáne taǵy basqalar josparlanǵan», - dep atap ótti Azamat Muqanov.
Qazirgi málimet boıynsha, bıyl óńirde ónerkásip pen aýylsharýashylyǵy ósimi kútilýde. Boljam boıynsha, ónerkásiptik ónimniń naqty kólem ındeksi 110 paıyzdan kem bolmaıdy. Tústi metaldar kenderin óndirý 20%-ǵa, sondaı-aq bolat óndirý 92,7%-ǵa jáne mys óndirý 7,2%-ǵa ósýi esebinen ulǵaıady. Taý-ken ónerkásibinde jospar boıynsha ósim metall kenderin óndirý esebinen 10% quraıdy.
Óńdeý ónerkásibi, tústi jáne qara metallýrgııa, farmatsevtıka jáne mashına jasaý salasyndaǵy kórsetkishtiń artýy kútilýde.
Aýylsharýashylyǵynda óndiris kólemi mal sharýashylyǵy óniminiń úlken kólemi esebinen 101% quraýy tıis. Sıyr sany 2,8%-ǵa ósip, 565 myń basqa jetedi dep kútilýde. Jylqy 5,2 paıyzǵa ósedi, bul 317,6 myń basqa teń bolady. Qustar 1,4%-ǵa artady. Sonyń arqasynda jyldyq et óndirisi 9,8 myń tonnaǵa, sút 10,2 myń tonnaǵa, jumyrtqa 60,1 mln danaǵa jetedi.
Bıylǵy jyly dándi jáne burshaqty daqyldar 895,5 myń ga alqapqa egiledi, bul 2019 jylǵy deńgeıden 3,7%-ǵa artyq. Maıly, kópjyldyq jáne birjyldyq shópter 87,7 myń ga aýmaqty alady. Kartop 16 myń gektarǵa, kókónis 3 myń gektarǵa otyrǵyzylady. Bul kórsetkishterdiń barlyǵy ótken jylǵymen salystyrǵanda aıtarlyqtaı joǵary.
