Qaraǵandy oblysynda qansha adam medıtsınalyq saqtandyrýǵa jarna tóleýden bosatylǵany málim boldy
Qaraǵandy oblysynyń 980 myńnan astam turǵyny medıtsınalyq saqtandyrý qoryna jarna tólemeıdi. Olar 15 jeńildik sanatyna kiredi (balalar, zeınetkerler, resmı jumyssyzdar, kúndizgi bólim stýdentteri, múgedekter, ataýly áleýmettik kómek alýshylar jáne t.b.) jáne olar úshin jarnany aı saıyn memleket tóleıdi. Jarnadar bıýdjetten Qorǵa túsedi, al Qor óz kezeginde medıtsınalyq uıymdardy osy qarajatpen qarjylandyrady. Bul azamattar avtomatty túrde «saqtandyrylǵan» mártebesin alady, sonymen qatar kez-kelgen adam qol jetkize alatyn tegin medıtsınalyq kómektiń kepildendirilgen kóleminen basqa medıtsınalyq kómektiń qosymsha paketine (MÁMS paketine) qol jetimdi bolady.
«Memleket tóleıtinderdiń «jumyssyzdar» degen sanaty qatarynda bolý úshin jumyspen qamtý ortalyǵynda resmı túrde tirkelý qajet. Tek osy jaǵdaıda ol «saqtandyrylǵan» mártebesin alady. Eger jumyssyz azamat resmı túrde tirkelmegen bolsa, onda ol 2020 jyldyń qańtarynan bastap medıtsınalyq saqtandyrý Qoryna jarnalardy óz betinshe tóleýge májbúr bolady», - dep túsindirdi Medıtsınalyq saqtandyrý qorynyń Qaraǵandy fılıalynyń bas sarapshysy Janar Rakısheva.
Jalpy Qazaqstan boıynsha shamamen 11 mıllıon adam jeńildik sanattaryna kiredi. Bul elimizdiń barlyq halqynyń 60% quraıdy.