Qaraǵandy oblysynda qandaı jobalar memlekettik qoldaý aldy
QARAǴANDY. QazAqparat - Qaraǵandy oblysyndaǵy Shahtınsk qalasynda jergilikti óndiriletin balmuzdaq paıda boldy, dep habarlaıdy QazAqparat óńir basshysynyń resmı saıtyna silteme jasap.
Jas kásipker Dolınka kentinde tsehty iske qosyp, munda sýyq táttiniń bes túrin shyǵaratyn boldy. Temirtaýda ónerkásip qaldyqtaryn qaıta óńdeýge arnalǵan pırolız peshi salyndy. Qaraǵandyda muzdatylǵan kartop - frı óndirisi boıynsha tseh ashylady, jabdyq satyp alyndy.
Bul jobalar memlekettik qoldaýmen iske asyrylady. Buǵan qosa jas kásipkerler «Bıznes jol kartasy» baǵdarlamasy boıynsha kómek aldy.
- Men burynǵy sportshy - jeńil atletpin, syryqpen sekirýmen aınalystym. Sportshy mansabyn tastaǵan soń, óz isimdi ashýǵa bel býdym. Óz balmuzdaǵymdy shyǵarý ıdeıasy týyndady. Ótken jyly nesıe aldym. «Bıznes jol kartasy» boıynsha joba qoldaý aldy. Nesıeni qarajattandyrý usynyldy, memleket kepilzattyq qamtamasyz etýdiń jartysyn ózine aldy. Nátıjesinde mólsherleme jyldyq 8,5%-dy qurady. Jabdyq satyp aldyq. Osy jyldyń maýsymynda joba bastaldy, - deıdi 25 jasar kásipker ıAroslav Omelnıtskıı.
Onyń aıtýynsha, memleket qoldaýynsyz bastaý ádáýir qıyn bolar edi. «Balmuzdaq korporatsııasy» markasymen ónim qazir Shahtınsk óńirinde satylýda. Óndiris qýaty kúnine bir tonnaǵa deıin tátti shyǵarýǵa múmkindik beredi. Ótkizý naryǵyn keńeıtý jáne suryptalymdy arttyrý josparda tur.
28 jasar qaraǵandylyq Jasulan Beketbaev óz isimen bólisti. Ońtústik Shyǵystaǵy oblystyq ortalyqta muzdatylǵan kartop – frı shyǵarý tsehy salyndy. Qaraǵandyda mundaı óndiris áli joq, jartylaı fabrıkattar syrttan ákelinedi.
- Men mamandyǵym boıynsha tamaq óndirisiniń tehnologymyn. Qalınıngradta ýnıversıtetti támámdap, otanyma oraldym. Qoǵamdyq tamaqtandyrý salasynda jumys istedim, odan keıin óz isimmen aınalysa bastadym. Maǵan bıznes-jospar jasaýǵa kómektesti. Óz jobama grant aldym. Bul bastama úshin tamasha kómek, - dep atap ótti kásipker. – Jabdyq satyp alyndy. Qazir iske qosý - retteý jumystary júrip jatyr. Qarasha aıynda óndiristi bastaımyz degen oıdamyn.
Temirtaý qalasynda «TehProf» JShS ónerkásip qaldyqtaryn kádege jaraý boıynsha joba iske qosyldy. «Damý» qory nesıe boıynsha paıyzdyq mólsherlememen qarajattandyrdy. Kásiporyn rezeńke-tehnıkalyq buıymdardy qaıta óńdeýge arnalǵan pırolız peshiniń qurylysyn aıaqtady. Qoldanylǵan avtomobıl dońǵalaqtarynyń tysynan otyn jáne tehnıkalyq kómirtek shyǵarylatyn bolady. Kompanııa basshysy Rýslan Salavatovtyń aıtýynsha, jobany tamyz aıynyń sońynda iske qosý josparlanýda.
Kásipkerlik basqarmasynyń aqparaty boıynsha, Qaraǵandy oblysynda 2020 jyly memlekettik baǵdarlama arqyly shamamen 8 myń jumys orny qurylyp, keminde 2 500 kásipkerdi qoldaý josparlanýda. Qarjylyq kómek sharalaryn 1 350 atam kásipker qoldandy. Bıznestiń jol kartasy - 2025 boıynsha jalpy somasy 5,4 mlrd teńge ınvestıtsııaǵa 123 joba qarajattandyryldy. Olardyń kóp bóligi óńdeýshi ónerkásip salasynda iske asyrylýda. Áli ShOB keminde 170 jobasyna qoldaý qarajattary bar.
«Eńbek» baǵdarlamasy boıynsha qalalyq jáne aýyldyq kásipkerler osy jyly 520 astam mıkronesıe jáne 661 grant aldy. Osy qoldaý sharalary jalǵasýda. «Qarapaıym zattar ekonomıkasy» baǵdarlamasy boıynsha jeńildikti nesıelendirýdi qoldanýǵa bolady.
Sonymen birge, tótenshe jaǵdaılar nátıjesinde zardap shekken ShOB sýbektilerin jeńildikti nesıelendirýdiń jańa baǵdarlamasy bar. Qarajattandyrý esebimen nesıe boıynsha mólsherleme jyldyq 6% -dy quraıdy. Ekinshi deńgeıdegi bankterdiń aqparaty boıynsha 25 mlrd teńgeden astam somaǵa 111 joba maquldandy.
